കൊച്ചി:എറണാകുളം പൂണിത്തുറയിലെ കൂട്ടത്തല്ലിനെ തുടര്ന്ന് സിപിഎം ജില്ലാ കമ്മിറ്റി അച്ചടക്ക നടപടി സ്വീകരിക്കാന് തീരുമാനിച്ചു. സി.പി.എം. പൂണിത്തുറ ലോക്കല് കമ്മറ്റി പിരിച്ചുവിടും.
തൃക്കാക്കര ഏരിയ കമ്മറ്റി അംഗം വി.പി. ചന്ദ്രനടക്കം ആറുപേരെ പുറത്താക്കാനും തീരുമാനമായി. രണ്ട് ലോക്കല് കമ്മിറ്റി അംഗങ്ങള്, മൂന്ന് ബ്രാഞ്ച് സെക്രട്ടറിമാര് എന്നിവരെ പുറത്താക്കും.
കൂട്ടത്തല്ലിനെ തുടര്ന്ന് അറസ്റ്റിലായ ആറ് പ്രതികള്ക്കും കൊച്ചിയിലെ അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതി ജാമ്യം നല്കിയിട്ടുണ്ട്.അതേ സമയം റദ്ദാക്കിയ ലോക്കല് സമ്മേളനം നടത്തണമോ എന്നത് പിന്നീട് തീരുമാനിക്കും.
അതിനിടെ മുവാറ്റുപുഴയില് വനിതാ നേതാക്കള്ക്കെതിരെ അപകീര്ത്തികരമായ പരാമര്ശം നടത്തിയ ഏരിയ കമ്മറ്റി അംഗം ജയപ്രകാശിന് പാര്ട്ടി കാരണം കാണിക്കല് നോട്ടീസ് നല്കി.Main
