ന്യൂദല്ഹി: കേന്ദ്രവിദേശകാര്യ മന്ത്രി ഡോ. എസ്. ജയശങ്കര് അഭിമുഖത്തിനിടെ നല്കിയ മറുപടി വൈറലാകുന്നു. ജയശങ്കറിനോടുള്ള ചോദ്യവും അതിന് അദ്ദേഹം നല്കിയ മറുപടിയുമാണ് ശ്രദ്ധേയമായത്.
അവസരം ലഭിക്കുകയാണെങ്കില് ഉത്തരകൊറിയന് ഭരണാധികാരി കിം ജോങ് ഉന്നിനൊപ്പമാണോ ശതകോടീശ്വരന് ജോര്ജ് സോറോസിനൊപ്പമാണോ അത്താഴം കഴിക്കാന് താത്പര്യം എന്നാണ് അവതാരകന് എസ്. ജയശങ്കറിനോട് ചോദിച്ചത്. ഇത് നവരാത്രിയല്ലേ? ഞാന് വ്രതത്തിലാണെന്നായിരുന്നു ജയശങ്കറിന്റെ പുഞ്ചിരിച്ചുകൊണ്ടുള്ള പ്രതികരണം. മറുപടി കേട്ട് അവതാരകനും സദസ്യരുമെല്ലാം ഒരുപോലെ പൊട്ടിച്ചിരിച്ചു. ഈ വീഡിയോയാണ് ഇപ്പോള് വൈറലായിരിക്കുന്നത്.
