തൃശൂര്‍:പാറമേക്കാവ് ക്ഷേത്രത്തിന് സമീപം അഗ്രശാലയില്‍ തീപിടുത്തം. തീ നിയന്ത്രണ വിധേയമാക്കി. അഗ്നിശമന സേന സ്ഥലത്തെത്തിയാണ് തീ നിയന്ത്രണ വിധേയമാക്കിയത്.
ഭക്ഷണം വയ്‌ക്കുന്ന പായ പോലുള്ള വസ്തുക്കളാണ് ചൂടേറ്റ് തീപിടിച്ചതെന്നാണ് അറിയുന്നത്. അഗ്രശാലയുടെ മുകളിലത്തെ നിലയിലാണ് തീപിടുത്തമുണ്ടായത്.
തീപിടുത്തത്തില്‍ അട്ടിമറി ഉണ്ടോ എന്ന് പരിശോധിക്കണമെന്ന് പാറമേക്കാവ് ദേവസ്വം ആവശ്യപ്പെട്ടു.ഷോര്‍ട്ട് സര്‍ക്യൂട്ട് ആണോ അതോ അതിനു പിന്നില്‍ മറ്റു കാര്യങ്ങളാണോ എന്ന് അന്വേഷണം വേണമെന്നാണ് ആവശ്യം. റവന്യൂ മന്ത്രിയും സര്‍ക്കാരും വിഷയത്തില്‍ ഇടപെടണമെന്നും പാറമേക്കാവ് ദേവസ്വം ആവശ്യപ്പെട്ടു.
നവരാത്രി ആഘോഷങ്ങള്‍ നടന്ന മുകളിലത്തെ നിലയിലാണ് തീപിടിച്ചത്. നൂറിലധികം പേര്‍ താഴത്തെ നിലയില്‍ നില്‍ക്കവെ ആയിരുന്നു തീപിടുത്തം ഉണ്ടായത്. തീ പടര്‍ന്നതോടെ ഹാളില്‍ ഉണ്ടായിരുന്നവര്‍ പരിപാടി അവസാനിപ്പിച്ച് പുറത്തേക്ക് ഓടുകയായിരുന്നു.
പ്രതികരിക്കാൻ ഇവിടെ എഴുതുക: