ചെന്നൈ: തെന്നിന്ത്യൻ സിനിമാ പ്രേക്ഷകരുടെ പ്രിയപ്പെട്ട താരമാണ് പ്രിയാമണി. ദേശീയ ചലച്ചിത്ര അവാർഡും മൂന്ന് ഫിലിംഫെയർ പുരസ്കാരവും ഉൾപ്പെടെ ഈ 40 കാരി ഇതിനോടകം സ്വന്തമാക്കിയിട്ടുണ്ട്. താരത്തിന് നിരവധി ആരാധകർ ഉണ്ടെങ്കിലും വ്യക്തി ജീവിത്തിൽ നിരവധി വിദ്വേഷ കമന്റുകൾ താരത്തിന് നേരെ വന്നിട്ടുണ്ട്.
2016-ൽ മുസ്തഫ രാജുമായുള്ള വിവിാഹ നിശ്ചയം കഴിഞ്ഞെന്ന വാർത്ത പ്രഖ്യാപിച്ചതിന് പിന്നാലെ താരത്തിന് നേരെ നിരവധി ട്രോളുകളും ആക്ഷേപങ്ങളുമാണ് സമൂഹമാദ്ധ്യമങ്ങളിൽ നിറഞ്ഞത്. വിവാഹം കഴിഞ്ഞ് വർഷങ്ങൾ ഏറെ ആയെങ്കിലും പ്രിയാമണിക്ക് നേരെ ഇപ്പോഴും നെഗറ്റീവ് കമന്റുകൾ വരാറുണ്ട്.
നെഗറ്റീവ് കമന്റുകളിൽ പ്രതികരിച്ചിരിക്കുകയാണ് പ്രിയാമണി. ഫിലിം ഫെയറിന് നൽകിയ അഭിമുഖത്തിലാണ് നടി ഇതിനെ കുറിച്ച് സംസാരിച്ചത്. അടുത്തിടെ ഈദ് ആഘോഷങ്ങളുമായി ബന്ധപ്പെട്ട് ഇന്‍സ്റ്റഗ്രാമില്‍ പോസ്റ്റ് ചെയ്ത ചിത്രങ്ങളെച്ചൊല്ലിയുണ്ടായ ട്രോളുകളിലും നടി പ്രതികരിച്ചു.
ഈദിന് പോസ്റ്റ് ചെയ്ത ചിത്രം കണ്ട് പലരും ഞാൻ മതം മാറിയോ എന്ന് കമന്റ് ചെയ്തിരുന്നു. ഞാൻ മതം മാറിയോ എന്ന് നിങ്ങൾക്ക് എങ്ങനെ അറിയാം? വിവാഹത്തിന് മുമ്പ് മതം മാറില്ലെന്ന് മുസ്തഫയെ അറിയിച്ചിരുന്നു. എന്റെ തീരുമാനമാണ്. ഞാൻ ജനിച്ചത് ഹിന്ദുവായാണ്, എപ്പോഴും എന്റെ വിശ്വാസം പിന്തുടരും.
ഇനി എല്ലാവരും, ഞാൻ എന്തുകൊണ്ട് നവരാത്രിക്ക് ചിത്രങ്ങൾ പോസ്റ്റ് ചെയ്യാത്തത് എന്ന് ആളുകൾ ചോദിച്ചു. എങ്ങനെ പ്രതികരിക്കണമെന്ന് എനിക്കറിയില്ല. ഇത്തരത്തിലുള്ള ചോദ്യങ്ങൾക്ക് ഇപ്പോൾ ശ്രദ്ധ കൊടുക്കാറില്ലെന്നും നടി കൂട്ടിച്ചേർത്തു.
ബെംഗളൂരുവിൽ നടന്ന ഒരു ഐപിഎൽ മത്സരത്തിലാണ് പ്രിയാമണിയും മുസ്തഫയും തമ്മിൽ കണ്ടുമുട്ടിയത്. 2017-ലായിരുന്നു ഇരുവരുടെയും വിവാഹം.
പ്രതികരിക്കാൻ ഇവിടെ എഴുതുക: