ന്യൂഡല്ഹി: സന്തോഷ വാർത്ത: 78 ദിവസത്തെ ശമ്പളം ബോണസായി നൽകാൻ തീരുമാനം; കിട്ടുക 11.72 ലക്ഷം വരുന്ന റെയിൽവെ ജീവനക്കാർക്ക് സുപ്രധാന തീരുമാനവുമായി കേന്ദ്ര സർക്കാർ.
റെയില്വേ ജീവനക്കാര്ക്ക് 78 ദിവസത്തെ വേതനം ബോണസായി നല്കാനും ഇന്ന് പ്രധാനമന്ത്രി നരേന്ദ്രമോദിയുടെ അധ്യക്ഷതയില് ഡല്ഹിയില് ചേര്ന്ന കേന്ദ്രമന്ത്രിസഭായോഗം തീരുമാനിച്ചു. ഉൽപ്പാദനക്ഷമതയുമായി ബന്ധപ്പെട്ട ബോണസായാണ് ഇത്രയും തുക ലഭിക്കുക. രണ്ടര മാസത്തിലേറെ വരുന്ന ശമ്പളമാണ് ഇതിലൂടെ ജീവനക്കാർക്ക് ലഭിക്കു. രാജ്യത്ത് 11.72 ലക്ഷത്തോളം പേർ റെയിൽവെയിൽ ജീവനക്കാരാണെന്നാണ് വിലയിരുത്തൽ. ഇവർക്ക് ബോണസ് നൽകാനായി മാത്രം 2,028.57 കോടി രൂപ കേന്ദ്ര സർക്കാർ അനുവദിച്ചു. ട്രാക്ക് മെയിൻ്റനൻസ് വിഭാഗം, ഗ്രൂപ്പ് എക്സസി ജീവനക്കാർ, ലോക്കോ പൈലറ്റ് തുടങ്ങി എല്ലാ വിഭാഗം ജീവനക്കാർക്കും ഈ ബോണസ് ലഭിക്കും.
ട്രാക്ക് പരിപാലകര്, ലോക്കോ പൈലറ്റുമാര്, ട്രെയിന് മാനേജര്മാര് (ഗാര്ഡുകള്), സ്റ്റേഷന് മാസ്റ്റര്മാര്, സൂപ്പര്വൈസര്മാര്, ടെക്നീഷ്യന്മാര്, സാങ്കേതിക സഹായികള്, പോയിന്റ്സ്മാന്, മിനിസ്റ്റീരിയല് സ്റ്റാഫ്, മറ്റ് ഗ്രൂപ്പ് സി ജീവനക്കാര് തുടങ്ങി വിവിധ വിഭാഗങ്ങളിലെ റെയില്വേ ജീവനക്കാര്ക്കാണ് ഈ തുക നല്കുന്നത്. റെയില്വേയുടെ പ്രകടനം മെച്ചപ്പെടുത്തുന്നതിനായി പ്രവര്ത്തിക്കുന്നതിന് റെയില്വേ ജീവനക്കാരെ പ്രചോദിപ്പിക്കുന്നതിനുള്ള ഒരു പ്രോത്സാഹനമായാണ് പി.എല്.ബി നല്കുന്നത്.
ഓരോ വര്ഷവും ദുര്ഗാ പൂജ/ദസറ അവധിക്ക് മുമ്പാണ് അര്ഹരായ റെയില്വേ ജീവനക്കാര്ക്കുള്ള പി.എല്.ബി തുക നല്കുന്നത്. ഈ വര്ഷവും ഏകദേശം 11.72 ലക്ഷം നോണ് ഗസറ്റഡ് റെയില്വേ ജീവനക്കാര്ക്ക് 78 ദിവസത്തെ വേതനത്തിന് തുല്യമായ പി.എല്.ബി തുക നല്കും.
റെയില്വേ 2023-2024 വര്ഷത്തില് റെയില്വേയുടെ പ്രകടനം വളരെ മികച്ചതായിരുന്നു. 1588 ദശലക്ഷം ടണ് ചരക്ക് കയറ്റി റെക്കാര്ഡിടുകയും ഏകദേശം 6.7 ബില്യണ് യാത്രക്കാരെ വഹിച്ചുകൊണ്ടുപോകുകയും ചെയ്തിട്ടുണ്ട്.
ഈ റെക്കോര്ഡ് പ്രകടനത്തിന് നിരവധി ഘടകങ്ങള് സംഭാവന നല്കിയിട്ടുണ്ട്. ഗവണ്മെന്റ് റെയില്വേയില് നിവേശിപ്പിച്ച റെക്കോഡ് കാപെക്സ് കാരണം അടിസ്ഥാന സൗകര്യങ്ങളിലുണ്ടായ പുരോഗതി, പ്രവര്ത്തനങ്ങളിലെ കാര്യക്ഷമത, മികച്ച സാങ്കേതികവിദ്യ തുടങ്ങിയവ ഇതില് ഉള്പ്പെടുന്നു.
