കോഴിക്കോട്: സൈബര് ആക്രമണത്തില് അന്വേഷണം ആവശ്യപ്പെട്ട് അര്ജുന്റെ കുടുംബം കോഴിക്കോട് കമ്മീഷണര്ക്ക് പരാതി നല്കി.അര്ജുന്റെ സഹോദരി അഞ്ജുവാണ് പരാതി നല്കിയത്.
സഹിക്കാന് പറ്റാത്ത വിധത്തിലുള്ള സൈബര് ആക്രമണമാണ് നടക്കുന്നത് എന്ന് കുടുംബം പരാതിയില് പറയുന്നു. വര്ഗീയത പരത്തുന്ന രീതിയുളള സൈബര് ആക്രമണവുമുണ്ടായി.
ലോറി ഉടമ മനാഫിനെതിരെ ഗുരുതര ആരോപണങ്ങളുമായി അര്ജുന്റെ കുടുംബം കഴിഞ്ഞ ദിവസം രംഗത്തെത്തിയിരുന്നു . മനാഫ് മാധ്യമങ്ങളില് പറഞ്ഞ ചില കാര്യങ്ങള് കടുത്ത സൈബര് ആക്രമണത്തിന് കാരണമായെന്ന് അര്ജുന്റെ സഹോദരി ഭര്ത്താവ് ജിതിന് മാധ്യമങ്ങളോട് പറഞ്ഞു. കുടുംബം അതേസമയം, അര്ജുനെ കണ്ടെത്താനുള്ള തെരച്ചിലിന് ഒപ്പം നിന്ന എല്ലാവര്ക്കും നന്ദിയുണ്ടെന്നും കുടുംബം പറഞ്ഞു.
അര്ജുന്റെ അച്ഛന് പ്രേമന്, അമ്മ ഷീല, സഹോദരി അഞ്ജു, അഭിരാമി, സഹോദരന് എന്നിവരും വാര്ത്താ സമ്മേളനത്തില് ജിതിനൊപ്പം ഉണ്ടായിരുന്നു. ലോറി ഉടമ മനാഫ് കുടുംബത്തിന്റെ വൈകാരികതയെ ചൂഷണം ചെയ്യുന്നുവെന്നായിരുന്നു കുടുംബത്തിന്റെ ആരോപണം.
