ന്യൂദല്‍ഹി:ദ ഹിന്ദു ദിനപത്രം ന്യൂദല്‍ഹിയിലെ കേരള ഹൗസില്‍ മുഖ്യമന്ത്രിയുമായി അഭിമുഖം നടത്തുമ്പോള്‍ പബ്ലിക് റിലേഷന്‍സ് കമ്പനിയായ കൈസന് ഗ്രൂപ്പിന്റെ സിഇഒയും ഉണ്ടായിരുന്നതായി റിപ്പോര്‍ട്ട്്. മലപ്പുറത്തെ സ്വര്‍ണക്കടത്ത് വിഷയം അഭിമുഖത്തില്‍ ചേര്‍ക്കാനാവശ്യപ്പെട്ടത് കൈസന് ഗ്രൂപ്പുമായി സഹകരിക്കുന്ന സിപിഎം മുന്‍ എംഎല്‍എ ടി കെ ദേവകുമാറിന്റെ മകന്‍ സുബ്രമണ്യനാണ്. റിലയന്‍സ് ജീവനക്കാരനായ സുബ്രഹ്മണ്യനും അഭിമുഖം നല്‍കുമ്പോള്‍ സ്ഥലത്തുണ്ടായിരുന്നു.
മറ്റ് രണ്ട് പ്രധാന പത്രങ്ങളെയും അഭിമുഖത്തിനായി പിആര്‍ ഏജന്‍സി സമീപിച്ചിരുന്നു ദല്‍ഹിയിലോ കേരളത്തിലോ ഇത് പിന്നീട് നല്കാം എന്ന് ഇവരെ പിന്നീട് അറിയിക്കുകയായിരുന്നു.
മുഖ്യമന്ത്രിക്കെന്തിന് പി ആര്‍ എന്നാണ് സിപിഎം ചോദിക്കുന്നതെന്നിരിക്കെയാണ് ഈ വിവരം പുറത്തുവന്നത്.അഭിമുഖം നല്‍കുമ്പോള്‍ കൈസന് ഗ്രൂപ്പിന്റെ സിഇഒ വിനീത് ഹാന്‍ഡെയാണ് മുഴുവന്‍ സമയവും അവിടെ ഉണ്ടായിരുന്നത്. പി ആര്‍ ഏജന്‍സിയുടെ പൊളിറ്റിക്കല്‍ വിംഗില്‍ ഇത്തരം കാര്യങ്ങള്‍ക്ക് ചുക്കാന്‍ പിടിക്കുന്ന ടി ഡി സുബ്രഹ്മണ്യനാണ് മലപ്പുറത്തെ സ്വര്‍ണക്കടത്തിന്റേതടക്കം വിശദാംശങ്ങള്‍ ലേഖികയ്‌ക്ക് കൈമാറിയത്. അഭിമുഖത്തില്‍ പറയാന്‍ വിട്ടുപോയതാണെന്നും ഈ വിവരങ്ങള്‍ കൂടി വരേണ്ടതുണ്ടെന്നും സുബ്രഹ്മണ്യന്‍ പറഞ്ഞതായാണ് വിവരം.
കൈസന് റിലയന്‍സുമായി ബന്ധമുണ്ട്.സുബ്രമണ്യന്റെ ഇടപെടലിന് ഇതും കാരണമാണ്.അഭിമുഖം വിവാദമായതോടെ ഓണ്‍ലൈനില്‍ ഇത് തിരുത്തണം എന്നാണ് ഏജന്‍സി മുഖേന മുഖ്യമന്ത്രിയുടെ ഓഫീസ് ആദ്യം ആവശ്യപ്പെട്ടത്. എന്നാല്‍ ഇതിന് തയാറാകാതെ വന്നതോടെയാണ് പ്രസ് സെക്രട്ടറി കുറിപ്പ് നല്‍കിയത്.
കഴിഞ്ഞ ലോക്‌സഭ തെരഞ്ഞെടുപ്പ് കാലത്തും പിണറായിക്കായി ഏജന്‍സികള്‍ മാധ്യമങ്ങളെ സമീപിച്ചിരുന്നു. എന്നാല്‍ കൂടുതല്‍ പ്രതികരണങ്ങള്‍ക്കില്ലെന്നാണ് കൈസന് ഗ്രൂപ്പിന്റെ പ്രതികരണം.
പ്രതികരിക്കാൻ ഇവിടെ എഴുതുക: