തിരുവനന്തപുരം: പരിശീലന മത്സരത്തില്‍ സ്വന്തം വല കുലുക്കിയ താരത്തെ സ്വന്തമാക്കി തിരുവനന്തപുരം കൊമ്പന്‍സ് എഫ്സി. ലക്ഷദ്വീപിലെ ആന്ത്രോത്ത് ദ്വീപില്‍ നിന്നുള്ള 22 വയസ്സുകാരന്‍ അബുള്‍ ഹസ്സനുമായി പരിശീലകന്‍ സെര്‍ജിയോ അലെക്സാന്‍ഡ്രേ കരാറില്‍ ഒപ്പിട്ടു. കഴിഞ്ഞ നാലുകൊല്ലമായി സായിയുടെ ഫുട്ബോള്‍ ടീമില്‍ അംഗമാണ് അബുള്‍. ആക്രമണത്തിലും, പ്രതിരോധ മദ്ധ്യനിരയിലും മികവ്‌ പുലര്‍ത്തുന്ന താരം കൊമ്പന്‍സിനെതിരായ പരിശീലന മത്സരത്തില്‍ ഗോളടിച്ചിരുന്നു. ഇത് ശ്രദ്ധയില്‍പ്പെട്ട കൊമ്പന്‍സ് പരിശീലക സംഘമാണ് ഇപ്പോള്‍ അദ്ദേഹത്തെ തേടിയെത്തിയിരിക്കുന്നത്.
സായിയുടെ ക്യാപ്റ്റനായ അബുള്‍ സന്തോഷ് ട്രോഫിയിലും സുബ്രതോ കപ്പിലും അനവധി ദേശീയ സ്‌കൂള്‍ ടൂര്‍ണമെന്റുകളിലും ലക്ഷദ്വീപിനെ നയിച്ചു.
പരിശീലകന്റെ അന്തിമ തീരുമാനം അനുസരിച്ച് ഏത് സ്ഥാനത്തും കളിക്കാന്‍ താന്‍ തയ്യാറാണെന്നും ടീമിന്റെ വിജയത്തിനായി പോരാടുവാന്‍ കാത്തിരിക്കുകയാണെന്നും താരം പറഞ്ഞു.
പ്രതികരിക്കാൻ ഇവിടെ എഴുതുക: