തിരുവനന്തപുരം: റഷ്യന് സൈന്യത്തിനൊപ്പം പ്രവര്ത്തിച്ചുവരവേ യുക്രൈയിനിലെ ഡോണെസ്കില് ഡ്രോണ് ആക്രമണത്തില് കൊല്ലപ്പെട്ട ആമ്പല്ലൂര് കല്ലൂര് കാഞ്ഞില് വീട്ടില് സന്ദീപ് ചന്ദ്രന്റെ മൃതദേഹം 29 ന് വീട്ടിലെത്തിക്കുമെന്ന് നോര്ക്ക സിഇഒ അജിത് കോളശേരി അറിയിച്ചു. കേന്ദ്ര വിദേശകാര്യ മന്ത്രി എസ്. ജയശങ്കറിന്റെ ഇടപെടലിനെത്തുടര്ന്നാണ് മൃതദേഹം നാട്ടിലെത്തുന്നത്. പുലര്ച്ചെ മൂന്നിന് എമിറേറ്റ്സ് വിമാനത്തില് നെടുമ്പാശേരി വിമാനത്താവളത്തില് എത്തിക്കുന്ന ഭൗതിക ശരീരം നോര്ക്ക പ്രതിനിധി ഏറ്റുവാങ്ങും. തുടര്ന്ന് നോര്ക്ക സജ്ജമാക്കുന്ന ആംബുലന്സില് വീട്ടിലെത്തിക്കുമെന്നും അദ്ദേഹം പറഞ്ഞു.
സന്ദീപ് ചന്ദ്രന്റെ ഭൗതികശരീരം നാട്ടിലെത്തിക്കണമെന്നും റഷ്യയില് തൊഴില് തട്ടിപ്പിനിരയായ മലയാളികളെ തിരികെയെത്തിക്കണമെന്നും ആവശ്യപ്പെട്ട് മുഖ്യമന്ത്രി കേന്ദ്ര വിദേശകാര്യ മന്ത്രിക്ക് കത്തയച്ചിരുന്നു.
ചാലക്കുടിയിലെ ഏജന്സി വഴി ഏപ്രില് രണ്ടിനാണ് സന്ദീപും മലയാളികളായ മറ്റു എഴുപേരും റഷ്യയിലേക്ക് പോയത്. മോസ്കോയില് റസ്റ്റോറന്റിലെ ജോലിക്കെന്നാണ് വീട്ടുകാരോട് പറഞ്ഞത് . പിന്നീട് റഷ്യന് സൈന്യത്തില് ചേരുകയായിരുന്നു. ഉക്രൈന്റെ ആക്രമണത്തിലാണ് കൊല്ലപ്പെട്ടത്.
ഇന്ത്യന് എംബസി ഇടപെട്ടു, റഷ്യയില് കൊല്ലപ്പെട്ട സന്ദീപ് ചന്ദ്രന്റെ മൃതദേഹം 29ന് വീട്ടിലെത്തിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.