ജന്മദിനം എല്ലാവരുടെയും ജീവിതത്തിലെ ഒരു മഹത്തായ ദിവസമാണ്. അതുകൊണ്ടാണ് ചിലർ ജന്മദിനം ആഘോഷിക്കുന്നത്. ജന്മദിനം ആഘോഷിക്കുന്നവർക്കായി സർപ്രൈസ് ഒരുക്കുന്നവരുമുണ്ട് . എന്നാൽ ഇവിടെ സർപ്രൈസ് നൽകാനായി സുഹൃത്തുക്കൾ കണ്ടെത്തിയ വഴി വൻ വിമർശനത്തിനാണ് ഇടവരുത്തിയിരിക്കുന്നത് .
സോഷ്യൽ മീഡിയയിൽ വൈറലായ ഈ വീഡിയോ ഘർകെ കലേഷ് എന്ന അക്കൗണ്ടിൽ ഷെയർ ചെയ്തിട്ടുണ്ട്. വീഡിയോയിൽ പിറന്നാളുകാരനായ യുവാവ് ഗാഢനിദ്രയിലാണ്. സർപ്രൈസ് നൽകാൻ എത്തിയ സുഹൃത്തുക്കൾ സ്പ്രേ ബോട്ടിലുമായി മുറിയിൽ വന്ന് യുവാവിന്റെ സ്വകാര്യ ഭാഗത്ത് തീകൊളുത്തി ഹാപ്പി ബർത്ത്ഡേ ടു യു പാടുകയായിരുന്നു .
ഞെട്ടി ഉണർന്ന യുവാവ് തീ കണ്ടപ്പോൾ പേടിച്ച് തീയണയ്ക്കാൻ ശ്രമിക്കുന്നതും ദൃശ്യങ്ങളിൽ കാണാം . ഒപ്പം സുഹൃത്തുക്കളെ തല്ലാനും ശ്രമിക്കുന്നുണ്ട്. പിന്നീട് അല്പനേരം കഴിഞ്ഞ് സുഹൃത്തുക്കൾക്കൊപ്പം ചേരുകയും ചെയ്യുന്നു. നിരവധി പേരാണ് യുവാക്കളെ വിമർശിച്ച് കമന്റ് ചെയ്തിരിക്കുന്നത്.
