നിലമ്പൂർ: പി. വി അൻവർ എംഎൽഎയുടെ വീടിന്റെ മുന്നിൽ സിപിഎം ഫ്ലക്സ്. ‘വിരട്ടലും വിലപേശലും ഇങ്ങോട്ട് വേണ്ട, ഇത് പാർട്ടി വേറെയാണ്’ എന്നാണ് ഒതായി ബ്രാഞ്ചിന്റെ പേരിലുള്ള ഫ്ലക്സിലുള്ളത്. പിണറായി വിജയന്റെയും പി. ഗോവിന്ദന്റെയും ചിത്രങ്ങളും ഫ്ലക്സിൽ ഉണ്ട്.
കഴിഞ്ഞ ദിവസം രാത്രിയാണ് സംഭവം. കൂടാതെ തുവൂരിൽ കെ. കരുണാകരൻ ഫൗണ്ടേഷൻ സ്റ്റേറ്റ് കമ്മിറ്റിയുടെ പേരിൽ അൻവറിലെ അനുകൂലിച്ച് കൊണ്ടുള്ള ഫ്ലക്സും പ്രത്യക്ഷപ്പെട്ടു.
അതേ സമയം കള്ളക്കടത്തും ഹവാല ഇടപാടും സുഗമമാക്കാനാണ് അൻവറിന്റെ ശ്രമമെന്ന് മലപ്പുറം ജില്ലാ സെക്രട്ടറി ആരോപിച്ചു. സ്വർണ്ണക്കടത്ത് മാഫിയയുമായി ബന്ധമുണ്ടെന്ന് തെളിയിക്കുന്നതാണ് അൻവറിന്റെ വാർത്താസമ്മേളനമെന്ന് സെക്രട്ടറി കുറ്റപ്പെടുത്തി.
