കോട്ടയം: പാര്ട്ടിയിലും ഭരണത്തിലും ഏകഛത്രാധിപതിയായി വിലസിയ പിണറായി വിജയന് സമീപകാലത്ത് ഇതാദ്യമാണ് ഇത്രയും മുഖമടച്ചുള്ള അടി കിട്ടുന്നത്. പാര്ട്ടിക്കുമേല് ഇത്രമേല് അപ്രമാദിത്വമുണ്ടായിരുന്ന പിണറായി വിമര്ശനത്തിന് അതീതനാണെന്നാണ് ഇതുവരെ കരുതിയിരുന്നത്. ഒരു മഹാരാജാവിന്റെ ഭാവപ്രകടനവുമായി മുന്നേറിയിരുന്ന മുഖ്യമന്ത്രിക്ക് അന്വറില് നിന്ന് കിട്ടിയ പ്രകാരം അപ്രതീക്ഷിതമായിരുന്നു. പി ശശിയെയും എ ആര് അജിത് കുമാറിനെയും മറയാക്കി നടത്തിയിരുന്ന നിഴല്യുദ്ധം മതിയാക്കി അന്വര് നേരിട്ട് യുദ്ധപ്രഖ്യാപനം നടത്തിയതോടെ പിണറായി പകച്ചു പോയി. ഇന്നലെ പ്രതികരണം ചോദിച്ചു പിന്നാലെ ഓടിയ മാധ്യമ പ്രവര്ത്തകരില് നിന്നും ഓടിയൊളിക്കുകയായിരുന്നു മുഖ്യമന്ത്രി ചെയ്തത്. വ്യക്തിപരമായി പിണറായിയെ മാത്രമല്ല മകളെയും മരുമകനെയും പ്രതിക്കൂട്ടില് നിര്ത്തിക്കൊണ്ടായിരുന്നു അന്വറിന്റെ ആക്രമണം. പിണറായി പതിവായി പറയുന്ന ആ വിരട്ടല് ഇങ്ങോട്ട് വേണ്ടെന്ന പ്രയോഗം പിണറായിക്കെതിരെ തന്നെ അന്വര് തൊടുത്തു വിട്ടു. താങ്ങാന് പറ്റുന്ന ഒരു പ്രഹരമായിരുന്നില്ല അത്. ഈ യുദ്ധത്തില് ജയിക്കുക എന്നല്ലാതെ വരുംവരായ്ക അന്വര് ഇപ്പോള് ആലോചിക്കുന്നില്ല. സ്വതന്ത്ര എംഎല്എ എന്ന സ്വാതന്ത്ര്യം വച്ച് ആക്രമണം തുടരുക തന്നെയാണ്. അന്വറിന്റെ കയ്യില് പൊട്ടാത്ത ഗുണ്ടുകള് ഇനി ബാക്കിയുണ്ടോ എന്നുള്ളതാണ് പാര്ട്ടി സസൂക്ഷ്മം നിരീക്ഷിക്കുന്നത്.
