കാറ്റലോണിയ: സ്പാനിഷ് ലാ ലിഗയില് വിജയക്കുതിപ്പ് തുടര്ന്ന് എഫ്സി ബാഴ്സിലോണ. ഇന്നലെ സ്വന്തം തട്ടകത്തില് നടന്ന മത്സരത്തില് ഗറ്റാഫെയെ എതിരില്ലാത്ത ഒരു ഗോളിന് തോല്പ്പിച്ചു. ഇതോടെ ഈ സീസണില് കളിച്ച ഏഴ് കളികളും ജയിച്ച് ബാഴ്സ 21 പോയിന്റോടെ ഒന്നാം സ്ഥാനത്ത് തുടരുകയാണ്.
ഇത്രയും മത്സരങ്ങള് പൂര്ത്തിയാക്കിയ നിലവിലെ ജേതാക്കളായ റയല് മാഡ്രിഡിനക്കാള് നാല് പോയിന്റ് മുന്നിലാണ് ബാഴ്സ. ഏഴില് അഞ്ച് മത്സരങ്ങളില് റയല് ജയിച്ചപ്പോള് രണ്ടെണ്ണം സമനിലയിലാകുകയായിരുന്നു.
ബാഴ്സയ്ക്കായി സീസണിലെ ഏഴാം ലീഗ് മത്സരത്തില് ഏഴാം ജയം സ്വന്തമാക്കിയപ്പോള് ഏഴാം വ്യക്തിഗത ഗോള് ആഘോഷിച്ച് സൂപ്പര് താരം റോബര്ട്ട് ലെവന്ഡോവസ്കിയും തിളങ്ങി. ഗറ്റാഫെയ്ക്കെതിരായ കളിയുടെ 19-ാം മിനിറ്റിലാണ് ബാഴ്സയ്ക്കായി ലെവന്ഡോവ്സ്കി വല കുലുക്കിയത്.
