മാഡ്രിഡ്: ഡേവിസ് കപ്പ് ഫൈനല്‍ എട്ടിനുള്ള സ്‌പെയിന്‍ ടെന്നിസ് ടീമില്‍ എക്കാലത്തെയും മികച്ച പുരുഷ സിംഗിള്‍സ് പോരാളികളില്‍ ഒരാളായ റാഫേല്‍ നദാലിനെയും ഉള്‍പ്പെടുത്തി. നിലവിലെ ലോക മൂന്നാം നമ്പര്‍ താര കാര്‍ലോസ് അല്‍കാരസ് ഉള്‍പ്പെടെയുള്ള പട്ടികയിലാണ് 38കാരനായ നദാലും സ്ഥാനം പിടിച്ചത്.
ഇരുവരെയും കൂടാതെ റോബര്‍ട്ടോ ബാറ്റിസ്റ്റ അഗ്യൂട്ട്, പാബ്ലോ കാറെനോ ബുസ്റ്റ, മാര്‍സെല്‍ ഗ്രാണോല്ലേഴ്‌സ് എന്നിവരാണ് മറ്റ് സ്പാനിഷ് താരങ്ങള്‍. പാരീസ് ഒളിംപിക്‌സ് 2024ല്‍ പരാജയപ്പെട്ട് പുറത്തായ ശേഷം നദാല്‍ കളിക്കിറങ്ങിയിട്ടില്ല. മറ്റൊരു സൂപ്പര്‍ താരം നോവാക് ദ്യോക്കോവിച്ചിനോടാണ് ക്വാര്‍ട്ടറില്‍ നദാല്‍ തോറ്റത്. അല്‍കാരസിനൊപ്പം പുരുഷ ഡബിള്‍സിലും കളിച്ചിരുന്നു. പക്ഷെ നോക്കൗട്ടില്‍ തോറ്റു. അതിന് പിന്നാലെ നടന്ന യുഎസ് ഓപ്പണില്‍ നിന്നും ലാവെര്‍ കപ്പില്‍ നിന്നും നദാല്‍ പിന്‍മാറി. ഫിറ്റ്‌നെസിലെ ആശങ്കകളെ തുടര്‍ന്നാണ് താരം പിന്‍വലിഞ്ഞത്. കഴിഞ്ഞ രണ്ട് വര്‍ഷത്തോളമായി പരിക്കിനോട് പൊരുതുകയാണ് നദാല്‍.
പ്രതികരിക്കാൻ ഇവിടെ എഴുതുക