കൊച്ചി: വഖഫ് ബോര്‍ഡിനെതിരെ ലോക്‌സഭ സെക്രട്ടറിയേറ്റിന് പരാതി നല്‍കി സിറോ മലബാര്‍ സഭ. ചെറായി, മുനമ്പം വില്ലേജുകളിലെ ക്രൈസ്തവ കുടുംബങ്ങളുടെ ഭൂമി വഖഫ് ബോര്‍ഡ് കൈയേറുന്നുവെന്നാണ് പരാതി.
വഖഫ് ബോര്‍ഡിന്റെ നീക്കം മൂലം 600 ലധികം കുടുംബങ്ങള്‍ പ്രതിസന്ധിയിലാണെന്ന് പരാതിയില്‍ പറയുന്നു. വഖഫ് നിയമ ഭേദഗതിയില്‍ ഈ വിഷയം പരിഹരിക്കാനുള്ള നിര്‍ദ്ദേശമുണ്ടാകണമെന്നും ലോക്‌സഭാ സെക്രട്ടറിയേറ്റിന് നല്‍കിയ പരാതിയില്‍ ആവശ്യപ്പെടുന്നു.
കഴിഞ്ഞ മാസം പത്തിനാണ് പരാതി നല്‍കിയത്. കേന്ദ്ര സര്‍ക്കാരിന്റെ വഖഫ് നിയമ ഭേദഗതിയെ തത്വത്തില്‍ പിന്തുണക്കുന്നതാണ് സിറോ മലബാര്‍ സഭയുടെ പരാതി.
പ്രതികരിക്കാൻ ഇവിടെ എഴുതുക: