തിരുവനന്തപുരം: സംസ്ഥാനത്തെ 12 ആശുപത്രികള്ക്ക് കൂടി ദേശീയ ഗുണനിലവാര അംഗീകാരം ലഭ്യമായി. 11 ആശുപത്രികള്ക്ക് കൂടി നാഷണല് ക്വാളിറ്റി അഷുറന്സ് സ്റ്റാന്ഡേര്ഡ് (എ.ക്യു.എ.എസ്) അംഗീകാരവും ഒരു ആശുപത്രിയ്ക്ക് ദേശീയ ഗുണനിലവാര അംഗീകാരമായ ലക്ഷ്യ സര്ട്ടിഫിക്കേഷനുമാണ് ലഭിച്ചത്. ഇതോടെ ആകെ 187 ആരോഗ്യ സ്ഥാപനങ്ങള്ക്ക് എന്.ക്യു.എ.എസ്. സര്ട്ടിഫിക്കേഷനും 12 ആരോഗ്യ സ്ഥാപനങ്ങള്ക്ക് ലക്ഷ്യ സര്ട്ടിഫിക്കേഷനും ലഭിച്ചു.
കോട്ടയം സി.എച്ച്.സി. കൂടല്ലൂര് 89.67% സ്കോറും, എറണാകുളം സി.എച്ച്.സി. രാമമംഗലം 93.09% സ്കോറും, തിരുവനന്തപുരം പി.എച്ച്.സി. ആനാട് 93.57% സ്കോറും, ഇടുക്കി പി.എച്ച്.സി. കുമളി 92.41% സ്കോറും, കെ.പി. കോളനി 92.51% സ്കോറും, പി.എച്ച്.സി. പെരുവന്താനം 93.37% സ്കോറും, പാലക്കാട് പി.എച്ച്.സി. അടക്കാപുത്തൂര് 93.57% സ്കോറും, മലപ്പുറം പി.എച്ച്.സി. വാഴക്കാട് 95.83% സ്കോറും, കണ്ണൂര് പി.എച്ച്.സി മൊറാഴ 94.97% സ്കോറും, കാസര്ഗോഡ് പി.എച്ച്.സി കുമ്പഡാജെ 94.37% സ്കോറും നേടി എന്.ക്യു.എ.എസ്. അംഗീകാരവും കണ്ണൂര് പി.എച്ച്.സി കതിരൂര് 93.52% സ്കോര് നേടി പുന:അംഗീകാരവും കരസ്ഥമാക്കി.
ഇതോടെ സംസ്ഥാനത്തെ 187 ആശുപത്രികള് എന്.ക്യു.എ.എസ്. അംഗീകാരവും 82 ആശുപത്രികള് പുന:അംഗീകാരവും നേടി. 5 ജില്ലാ ആശുപത്രികള്, 4 താലൂക്ക് ആശുപത്രികള്, 11 സാമൂഹികാരോഗ്യ കേന്ദ്രങ്ങള്, 41 അര്ബന് പ്രൈമറി ഹെല്ത്ത് സെന്റെര്, 126 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം നേടിയിട്ടുള്ളത്.
8 വിഭാഗങ്ങളായി 6,500 ഓളം ചെക്ക് പോയിന്റുകള് വിലയിരുത്തിയാണ് ഒരു ആശുപത്രിയെ ദേശീയ ഗുണനിലവാരത്തിലേക്ക് ഉയര്ത്തുന്നത്. എന്.ക്യു.എ.എസ്. അംഗീകാരത്തിന് 3 വര്ഷ കാലാവധിയാണുളളത്. 3 വര്ഷത്തിന് ശേഷം ദേശീയതല സംഘത്തിന്റെ പുന:പരിശോധന ഉണ്ടാകും. കൂടാതെ വര്ഷാവര്ഷം സംസ്ഥാനതല പരിശോധനയുമുണ്ടാകും. എന്.ക്യു.എ.എസ്. അംഗീകാരം ലഭിക്കുന്ന പി.എച്ച്.സി.കള്ക്ക് 2 ലക്ഷം രൂപ വീതവും മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സെന്റീവ് ലഭിക്കും.
തിരുവനന്തപുരം പാറശ്ശാല ഗവ. താലൂക്ക് ആസ്ഥാന ആശുപത്രിയ്ക്ക് ദേശീയ ഗുണനിലവാര അംഗീകാരമായ ലക്ഷ്യ സര്ട്ടിഫിക്കേഷന് ലഭിച്ചു.
ദേശീയ ഗുണനിലവാര അംഗീകാരം 12 ആശുപത്രികള്ക്ക് കൂടി , ആകെ 187 ആശുപത്രികള്ക്ക് എന്.ക്യു.എ.എസ്.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.