ലക്നൗ : ക്രിമിനലുകൾക്കെതിരെയുള്ള ബുൾഡോസർ നടപടി തടയാൻ ആർക്കും കഴിയില്ലെന്ന് യുപി സഹകരണ മന്ത്രി ജെപിഎസ് റാത്തോർ .ഭീകരതയെ പറ്റി മാത്രം സംസാരിക്കുന്ന താലിബാൻ സംസ്കാരമുള്ള ആളുകൾക്ക് മാത്രമാണ് ബുൾഡോസറിനെ ഭയം .ആരുടെയൊക്കെ ഭൂമിയും കടകളും വീടും ഈ മാഫിയകൾ കൈയടക്കിയെന്ന് പാവപ്പെട്ടവരോട് ചോദിക്കണമെന്നും അദ്ദേഹം പറഞ്ഞു.
ബുൾഡോസർ ഓടിക്കുന്നത് ആ പാവങ്ങൾക്ക് സമാധാനം നൽകുന്നു. മാഫിയകളുടെ മാളികകൾ ബുൾഡോസർ കൊണ്ട് തകർക്കുമ്പോൾ സന്തോഷം ആ പാവങ്ങൾക്കാണ്. മുഖ്യമന്ത്രി യോഗി ആദിത്യനാഥ് ബുൾഡോസറിനെ നീതിയുടെ പ്രതീകമാക്കി. ബുൾഡോസർ ഉപയോഗിച്ച് നിരവധി പാവപ്പെട്ടവർക്ക് നീതി നൽകിയിട്ടുണ്ട് . തെറ്റായ കാര്യങ്ങൾ ചെയ്തവരുടെ വീടുകൾക്ക് മുകളിലൂടെയാണ് ബുൾഡോസർ ഓടിക്കുന്നത്. ബുൾഡോസർ പ്രവർത്തിപ്പിക്കാൻ വളരെയധികം ശക്തി വേണം. എന്നാൽ അഖിലേഷ് യാദവിന് ആ ശക്തിയില്ല. ബുൾഡോസറിന്റെ സ്റ്റിയറിംഗ് പോലും കൈകാര്യം ചെയ്യാൻ അഖിലേഷിന് കഴിയുന്നില്ല.
സംസ്ഥാനത്ത് എങ്ങനെയാണ് ജംഗിൾ രാജ് ഇല്ലാതാക്കിയതെന്നും മുഖ്യമന്ത്രി യോഗി നിയമവാഴ്ച സ്ഥാപിച്ചതെന്നും സംസ്ഥാനത്തെ ജനങ്ങൾക്ക് അറിയാമെന്നും മനസ്സിലാക്കിയിട്ടുണ്ടെന്നും ജെപിഎസ് റാത്തോർ പറഞ്ഞു.
പ്രതികരിക്കാൻ ഇവിടെ എഴുതുക