കണ്ണൂര്‍: പറയാനുള്ള കാര്യം വ്യക്തമായി പറയാന്‍ സിപിഐക്ക് കഴിയുന്നില്ലെന്ന് കെപിസിസി പ്രസിഡന്റ് കെ. സുധാകരന്‍. എന്തൊക്കെയോ പറഞ്ഞ് പുകമറ സൃഷ്ടിക്കുകയാണ് അവര്‍. സിപിഐ മുന്നണിക്കുള്ളില്‍ അടിമകളെപ്പോലെ നില്‍ക്കാതെ സ്വതന്ത്രമായി നില്‍ക്കണമെന്നും അദ്ദേഹം പറഞ്ഞു.
പി.വി. അന്‍വര്‍ എംഎല്‍എ മുഖ്യമന്ത്രിയെ ഭീഷണിപ്പെടുത്തുന്നുവെന്നും സുധാകരന്‍ പറഞ്ഞു. അന്‍വര്‍ ഭീഷണിപ്പെടുത്തുന്നതുകൊണ്ടാണ് മുഖ്യമന്ത്രി അന്‍വര്‍ക്കെതിരെ ഒന്നും പറയാത്തത്. പി.ശശിക്കും എഡിജിപിക്കും വേണ്ടിയാണ് മുഖ്യമന്ത്രി നിലകൊള്ളുന്നത്. അവര്‍ ചെയ്യുന്നതിന്റെ ബെനിഫിഷ്യറി മുഖ്യമന്ത്രിയാണ് ഓരോ ദിവസവും അന്‍വര്‍ മുഖ്യമന്ത്രിയെയും ഓഫീസിനിയെയും ഭീഷണിപ്പെടുത്തുകയാണ്.
അന്‍വറിനെതിരെ നടപടിയെടുക്കാത്തത് മുഖ്യമന്ത്രിക്ക് ഭയമുള്ളതിനാലാണ്. കോണ്‍ഗ്രസ് എംഎല്‍എ ആയിരുന്നെങ്കില്‍ താന്‍ പുറത്താക്കിയേനെയെന്നും സുധാകരന്‍ പറഞ്ഞു. അന്‍വര്‍ ഗാന്ധിയനാണെന്നാണ് ഇപ്പോള്‍ പറയുന്നത്. അന്‍വര്‍ രാഹുല്‍ ഗാന്ധിക്കെതിരെ പറഞ്ഞത് ഇപ്പോഴും മനസിലുണ്ടെന്നും സുധാകരന്‍ പറഞ്ഞു.
പ്രതികരിക്കാൻ ഇവിടെ എഴുതുക: