കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ പശ്ചിമ ബംഗാള്‍ സ്വദേശി അറസ്റ്റില്‍. മുര്‍ഷിദാബാദ് സ്വദേശി സോണിയെ പെരുമ്പാവൂര്‍ പൊലീസ് ആണ് പിടികൂടിയത്.
കാഞ്ഞിരക്കാടുള്ള വാടകവീട്ടില്‍ താമസിക്കുന്ന അതിഥി തൊഴിലാളികളുടെ മകളെയാണ് ഇയാള്‍ പീഡിപ്പിച്ചത്. പെണ്‍കുട്ടിയും കുടുംബവും താമസിക്കുന്ന വീടിന് തൊട്ടടുത്താണ് പ്രതി മാതാപിതാക്കളോടൊപ്പം താമസിച്ച് വന്നത്.
പെരുമ്പാവൂരിലെ പ്ലൈവുഡ് കമ്പനിയിലാണ് സോണി ജോലി ചെയ്യുന്നത്. പ്രതി പെണ്‍കുട്ടിയുടെ വീട്ടിലെ നിത്യ സന്ദര്‍ശകനായിരുന്നു. കുട്ടിയുടെ മൊഴി പ്രകാരമാണ് പൊലീസ് കേസെടുത്തത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: