തിരുവനന്തപുരം: മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശിക്കെതിരെ പാര്‍ട്ടിക്ക് പരാതി എഴുതി നല്‍കി പി വി അന്‍വര്‍ എംഎല്‍എ. പ്രത്യേക ദൂതന്‍ വശമാണ് പരാതി കൈമാറിയത്.
പി ശശി സിപിഎം സംസ്ഥാന സമിതി അംഗമാണ്. അതിനാലാണ് പാര്‍ട്ടി സെക്രട്ടറിക്ക് പരാതി നല്‍കിയത്.
പി ശശിക്കെതിരെ തുടരെ ആരോപണങ്ങള്‍ ഉന്നയിച്ചിരുന്നെങ്കിലും ഔദ്യോഗികമായി പരാതി നല്‍കാന്‍ ഇതുവരെ പി വി അന്‍വര്‍ തയാറായിരുന്നില്ല.എഡിജിപിക്കെതിരായ വിമര്‍ശനങ്ങള്‍ ഉന്നയിക്കുന്നതിനൊപ്പമായിരുന്നു ശശിക്കെതിരായ ആരോപണങ്ങളും.
പി ശശിയുടെ നിര്‍ദ്ദേശാനുസരണം എ ഡി ജി പി അജിത്കുമാര്‍ പല കൊളളരുതായ്മകളും ചെയ്യുന്നുണ്ടെന്നാണ് അന്‍വര്‍ ആരോപിച്ചത്.
പ്രതികരിക്കാൻ ഇവിടെ എഴുതുക: