തിരുവനന്തപുരം : നവംബര്‍ ആദ്യവാരം അര്‍ജന്റീന ഫുട്ബാള്‍ ടീം പ്രതിനിധികള്‍ കേരളത്തില്‍ എത്തുമെന്ന് മന്ത്രി വി അബ്ദുറഹ്മാന്‍. ഗ്രൗണ്ട് പരിശോധിച്ച ശേഷമാകും തുടര്‍ നടപടികള്‍.
അര്‍ജന്റീന ഫുട്ബാള്‍ ടീമിനെ കേരളത്തില്‍ കൊണ്ടുവരാന്‍ 100 കോടി രൂപ ചെലവിടേണ്ടി വരുമെന്നും മന്ത്രി പറഞ്ഞു.
ആള്‍ ഇന്ത്യ ഫുട്ബാള്‍ ഫെഡറേഷന്‍ നേരത്തെ അര്‍ജന്റീന ടീമിനെ കൊണ്ടുവരാന്‍ ശ്രമം നടത്തിയിരുന്നു. എന്നാല്‍ ഭാരിച്ച ചെലവ് മൂലം പിന്നീട് അത് ഉപേക്ഷിക്കുകയായിരുന്നുവെന്നും മന്ത്രി പറഞ്ഞു.
അര്‍ജന്റീന ഫുട്‌ബോള്‍ ഫെഡറേഷന്‍ കേരളത്തില്‍ അക്കാദമി തുടങ്ങാന്‍ സന്നദ്ധത പ്രകടിപ്പിച്ചിട്ടുണ്ട്. അക്കാദമി തുടങ്ങാന്‍ ആലോചിക്കുന്നത് കൊച്ചിയിലാണ്. മലപ്പുറത്ത് തുടങ്ങാം എന്ന് ആലോചിച്ചിരുന്നെങ്കിലും അസൗകര്യം മൂലം അത് അപേക്ഷിക്കുകയായിരുന്നുവെന്നും മന്ത്രി വി അബ്ദുറഹ്മാന്‍ പറഞ്ഞു.
അര്‍ജന്റീന ഫുട്‌ബോള്‍ അസോസിയേഷന്‍ (എ എഫ് എ) പ്രതിനിധികളുമായി മന്ത്രി വി അബ്ദുറഹ്മാന്‍ നേരത്തേ കൂടിക്കാഴ്ച നടത്തിയിരുന്നു.എ എഫ് എയുടെ ക്ഷണ പ്രകാരം സ്‌പെയ്‌നിലെ മാഡ്രിഡിലായിരുന്നു കൂടിക്കാഴ്ച. കേരളത്തിലെ അര്‍ജന്റീന ആരാധക വൃന്ദം മനസിലാക്കിയാണ് മന്ത്രിയെ കൂടിക്കാഴ്ചയ്‌ക്ക് ക്ഷണിച്ചത്. അന്താരാഷ്‌ട്ര സൗഹൃദമത്സര വേദിയായി കേരളത്തെ പരിഗണിക്കുന്നതിനുള്ള സജീവ സാധ്യത ചര്‍ച്ചയായിരുന്നു.
പ്രതികരിക്കാൻ ഇവിടെ എഴുതുക