കോട്ടയം: പാലാ നഗരസഭയില്‍ ഉള്‍പ്പെടെ പല തദ്ദേശസ്ഥാപനങ്ങളിലും തങ്ങളെ വെള്ളം കുടിപ്പിക്കുന്ന കേരള കോണ്‍ഗ്രസ് മാണി ഗ്രൂപ്പിനെതിരെ സിപിഎം പണി തുടങ്ങി. ഭരണങ്ങാനം ഗ്രാമപഞ്ചായത്തിലാണ് കഴിഞ്ഞ ദിവസം നടന്ന തെരഞ്ഞെടുപ്പില്‍ കേരള കോണ്‍ഗ്രസ് മാണിവിഭാഗത്തെ എല്‍ഡിഎഫ് കാലു വാരിയത്.
മണി വിഭാഗത്തിന് ജയിക്കാമായിരുന്ന സീറ്റില്‍ കോണ്‍ഗ്രസ് അംഗം ബീന ടോമി പൊരിയത്താണ് തിരഞ്ഞെടുക്കപ്പെട്ടത്. സിപിഎമ്മിന്റെയും സിപിഐയുടെയും ഓരോ അംഗങ്ങളും ഇവരെ പിന്തുണയ്‌ക്കുന്ന രണ്ട് സ്വതന്ത്ര അംഗങ്ങളും വോട്ടെടുപ്പിന് എത്താതിരുന്നതോടെയാണ് മാണി വിഭാഗം സ്ഥാനാര്‍ത്ഥി രണ്ടു വോട്ടുകള്‍ മാത്രം നേടി ദയനീയമായി പരാജയപ്പെട്ടത്.
പഞ്ചായത്ത് പ്രസിഡന്റ് തിരഞ്ഞെടുപ്പില്‍ നിന്ന് വിട്ടുനിന്ന സിപിഎം, സിപിഐ അംഗങ്ങള്‍ക്കെതിരെ എല്‍ഡിഎഫില്‍ പരാതി നല്‍കുമെന്നാണ് കേരള കോണ്‍ഗ്രസ് മാണി വിഭാഗം അറിയിച്ചിരിക്കുന്നത് .
ഇടതുപക്ഷ സര്‍ക്കാരിനെതിരെ നിരന്തരം പ്രസ്താവന ഇറക്കി ആളുകളിക്കുന്ന ജോസ് കെ മാണിയെ പാഠം പഠിപ്പിക്കാന്‍ ഇനിയും ഇത്തരം കളികള്‍ പ്രതീക്ഷിക്കാം എന്നാണ് ഇടതുപക്ഷത്തെ ഒരു പ്രമുഖ നേതാവ് പ്രതികരിച്ചത്.
പ്രതികരിക്കാൻ ഇവിടെ എഴുതുക: