കൊച്ചി: കഴിഞ്ഞ കുറച്ചുദിവസങ്ങളായി സിനിമാ വിവാദങ്ങള്‍ക്കിടയില്‍ റിമ കല്ലിങ്കലിനേയും ശീലു എബ്രഹാമിനെയും കുറിച്ച് ഒരു ട്രോള്‍ സമൂഹമാധ്യമങ്ങളില്‍ കറങ്ങി നടക്കുകയാണ്. ഭര്‍ത്താവിന്റെ സിനിമയില്‍ അഭിനയിക്കുന്ന ഭാര്യമാര്‍ എന്ന് പറഞ്ഞാണ് ഈ ട്രോളുകള്‍.
റിമ കല്ലിങ്കല്‍ കൂടുതലായി അഭിനയിച്ചത് ഭര്‍ത്താവ് ആഷിക് അബു സംവിധാനം ചെയ്ത സിനിമകളിലാണ്. അതുപോലെ ശീലു എബ്രഹാം അധികവും ഭര്‍ത്താവ് എബ്രഹാം മാത്യുവിന്റെ അബാം മൂവീസ് എന്ന പ്രൊഡക്ഷന്‍ കമ്പനി നിര്‍മ്മിക്കുന്ന സിനിമകളിലാണ് അഭിനയിക്കുക പതിവ്. ഇക്കാര്യം ഉന്നം വെച്ചാണ് ഇരുവര്‍ക്കുമെതിരെ ഭര്‍ത്താവിന്റെ സിനിമകളില്‍ അഭിനയിക്കുന്ന ഭാര്യമാര്‍ എന്ന ട്രോള്‍ ഉയര്‍ന്നത്.
ശിലൂ എബ്രഹാമിന്റെ സിനിമകള്‍ റിലീസാകുമ്പോള് റിമയോട് ട്രോളന്മാര്‍ നിങ്ങള്‍ എന്തു ചെയ്യുന്നു എന്ന ചോദ്യം എറിയും. അതുപോലെ റിമ കല്ലിങ്കലിന്റെ സിനിമ റിലീസാകുമ്പോള് താങ്കള്‍ എന്ത് ചെയ്യുന്നു എന്ന ചോദ്യം ശീലു എബ്രഹാമിന് നേരെ ആയിരിക്കും.
ഇപ്പോള്‍ ട്രോളന്മാര്‍ക്ക് രസകരമായ മറുപടി നല്‍കിയിരിക്കുകയാണ് ശീലു എബ്രഹാം.
‘എന്റെ സിനിമകൾ റിലീസ് ആകുമ്പോളൊക്കെ ഈ ട്രോൾ പൊങ്ങിവരാറുണ്ട്. ഇനിയും ഇതുപോലെ ഭർത്താവിന്റെ സിനിമയിൽ അഭിനയിക്കാൻ പറ്റുന്നവരൊക്കെ അടിച്ചു കേറിവാ മക്കളെ.’- എന്നാണ് ശീലു കുറിച്ചത്. നിരവധി പേരാണ് പോസ്റ്റിന് താഴെ പോസിറ്റീവും നെഗറ്റീവുമായ കമന്‍റുകള്‍ പങ്കുവെച്ചിരിക്കുന്നത്. ഒമർ ലുലു സംവിധാനം ചെയ്യുന്ന ബാഡ് ബോയ്സ് ആണ് ശീലുവിന്റെ പുതിയ സിനിമ. ഭർത്താവ് എബ്രഹാം മാത്യു ആണ് നിര്‍മ്മാണം.
പ്രതികരിക്കാൻ ഇവിടെ എഴുതുക: