പത്തനംതിട്ട: ചരിത്ര പ്രസിദ്ധമായ ആറന്മുള ഉത്രട്ടാതി ജലമേള വര്‍ണാഭമായ ജല ഘോഷയാത്രയോടെ തുടങ്ങി. 51പള്ളിയോടങ്ങള്‍ ജല ഘോഷയാത്രയില്‍ പങ്കെടുത്തു.
ജലമേളയ്ക്ക് തുടക്കം കുറിച്ച് രാവിലെ ഒമ്പതരയോടെ കളക്ടര്‍ പതാക ഉയര്‍ത്തി. ജല ഘോഷയാത്ര കഴിയുന്നതോടെ മത്സര വള്ളംകളി നടക്കും. നെഹ്‌റു ട്രോഫി മാതൃകയിലാണ് ഇത്തവണ വള്ളംകളി.
നെഹ്‌റു ട്രോഫി വള്ളംകളിയുടെ മാതൃകയില്‍ ഇത്തവണ ടൈമിംഗ് അടിസ്ഥാനത്തിലാണ് മത്സരം. ഫിനിഷിംഗ് പോയിന്റായ സത്രക്കടവില്‍ ഓരോ വള്ളവും പാഞ്ഞെത്തുന്ന സമയം രേഖപ്പെടുത്തും.ചുരുങ്ങിയ സമയത്തില്‍ തുഴഞ്ഞെത്തിയ നാല് പള്ളിയോടങ്ങള്‍ ഫൈനലില്‍ കടക്കും.
എ ബി ബാച്ചുകളിലായുള്ള വള്ളംകളി മത്സരത്തില്‍ 50 പള്ളിയോടങ്ങളും പങ്കെടുക്കുന്നു. ജലമേളയ്ക്ക് ചാരുത പകര്‍ന്ന് നാവിക സേനയുടെ അഭ്യാസ പ്രകടനവും കലാരൂപങ്ങളും ദൃശ്യാവിഷ്‌കാരവും പമ്പയാറ്റില്‍ നടന്നു.
പ്രതികരിക്കാൻ ഇവിടെ എഴുതുക: