ന്യൂദല്‍ഹി: പാരീസില്‍ സമാപിച്ച പാരാലിംപിക്സ് ഗെയിംസില്‍ ചരിത്രത്തിലെ ഏറ്റവും മികച്ച പ്രകടനം കാഴ്ചവച്ച ഭാരത താരങ്ങളെ ഇന്ത്യന്‍ ഓയില്‍ കോര്‍പറേഷന്റെ നേതൃത്വത്തില്‍ ആദരിച്ചു. ഇന്ത്യന്‍ ഓയില്‍ ഭിന്നശേഷിക്കാരായ താരങ്ങള്‍ക്ക് നല്‍കിവരുന്ന പിന്തുണയെ ചടങ്ങില്‍ കേന്ദ്രമന്ത്രി രക്ഷ നിഖില്‍ ഖഡ്സെ അഭിനന്ദിച്ചു. മന്ത്രിയെ കൂടാതെ എംഒപിഎന്‍ജി സെക്രട്ടറി പങ്കജ് ജെയിന്‍, ഇന്ത്യന്‍ ഓയില്‍ ചെയര്‍മാനും ഡയറക്ടറുമായ വി. സതീഷ്‌കുമാര്‍, മുതിര്‍ന്ന സര്‍ക്കാര്‍ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
7 സ്വര്‍ണവും 9 വെള്ളിയും 13 വെങ്കലവും ഉള്‍പ്പെടെ 29 മെഡലുകള്‍ നേടി രാജ്യത്തിന് അഭിമാനമായ താരങ്ങളെ ആദരിക്കുന്നതിന് ഇന്ത്യന്‍ ഓയില്‍ വിപുലമായ ചടങ്ങാണ് സംഘടിപ്പിച്ചത്. പാരാലിംപിക് കമ്മിറ്റി ഓഫ് ഇന്ത്യയുമായി (പിസിഐ) ചേര്‍ന്ന് ഇന്ത്യന്‍ ഓയില്‍ പാരാ അത്ലറ്റുകള്‍ക്ക് മികച്ച പിന്തുണയാണ് നല്‍കിവരുന്നത്.
പ്രതികരിക്കാൻ ഇവിടെ എഴുതുക: