കൊച്ചി: കാക്കനാട് കേന്ദ്രീകരിച്ച് കുലുക്കി സര്ബത്തിന്റെ മറവില് ചാരായം വില്പ്പന നടത്തി വന്ന രണ്ട് പേര് എക്സൈസിന്റെ പിടിയിലായി. ഇരുപത്് ലിറ്റര് ചാരായം, 950 ലിറ്റര് വാഷ്, ചാരായ നിര്മ്മാണത്തിന് ഉപയോഗിക്കുന്ന വാറ്റുപകരണങ്ങള്, തുടങ്ങിയവയും പിടികൂടി.
എക്സൈസിന് ലഭിച്ച വിവര പ്രകാരം നടത്തിയ പരിശോധനയിലാണ് രണ്ടുപേരെ അറസ്റ്റ് ചെയ്തത്.
കാക്കനാടിന് സമീപം തേവക്കലില് രണ്ടു നില വാടക വീട്ടിലായിരുന്നു വ്യാജ മദ്യ വില്പന നടത്തിയിരുന്നത്. സ്പെഷ്യല് കുലുക്കി സര്ബത്ത് എന്ന പേരില് കുപ്പിയിലാക്കിയാണ് പല സ്ഥലത്തായി എത്തിച്ച് നല്കിയിരുന്നത്.
കഴിഞ്ഞ രാത്രിയാണ് പരിശോധന നടത്തിയത്. വാട്സ്ആപ്പ് വഴി പണം വാങ്ങിയ ശേഷം ആവശ്യക്കാര്ക്ക് വിവിധ സ്ഥലങ്ങളായി എത്തിച്ച് നല്കുകയായിരുന്നു.
