ന്യൂഡൽഹി : ഔദ്യോഗിക വസതിയിൽ പിറന്ന പശുക്കിടാവിനെ ലാളിക്കുന്ന പ്രധാനമന്ത്രി നരേന്ദ്രമോദിയുടെ ദൃശ്യങ്ങൾ വൈറലാകുന്നു. കല്യാൺ മാർഗിലെ പ്രധാനമന്ത്രിയുടെ വസതിയിലാണ് പശുക്കുട്ടി ജനിച്ചത്. മോദി പശുക്കിടാവിന് പ്രത്യേക പൂജ അർപ്പിക്കുകയും ചെയ്തു. ഇതിന്റെ ദൃശ്യങ്ങളും അദ്ദേഹം പങ്ക് വച്ചു
‘ നമ്മുടെ ഗ്രന്ഥങ്ങളിൽ ഇത് പറഞ്ഞിട്ടുണ്ട് – ‘ഗാവ്: സർവസുഖ് പ്രദ’. നെറ്റിയിൽ പ്രകാശത്തിന്റെ പ്രതീകമായ പുതിയ പശുക്കുട്ടിക്ക് ജന്മം നൽകി . ഞാൻ അതിന് ‘ദീപ്ജ്യോതി’ എന്ന് പേരിട്ടു.‘ എന്നാണ് പ്രധാനമന്ത്രി കുറിച്ചത്.
പശുക്കുട്ടിയെ ഷാൾ പുതപ്പിച്ച് പീഠത്തിൽ ഇരുത്തി ദുർഗാവിഗ്രഹത്തിന് മുന്നിൽ വച്ച് പൂജ നടത്തുന്നതിന്റെ ദൃശ്യങ്ങളും പുറത്ത് വന്നിട്ടുണ്ട് . മോദിയുടെ വസതിയിൽ ആന്ധ്രാപ്രദേശിൽ നിന്നുള്ള പുങ്ങനൂർ ഇനത്തിൽപ്പെട്ട പശുക്കളുമുണ്ട് . രണ്ടര മുതൽ മൂന്നടി വരെ മാത്രമാണ് ഇവയുടെ ഉയരം. പുങ്ങനൂർ ഇനത്തിൽപ്പെട്ട പശുക്കിടാവോ പശുക്കുട്ടിയോ ജനിക്കുമ്പോൾ അതിന്റെ ഉയരം 16 ഇഞ്ച് മുതൽ 22 ഇഞ്ച് വരെ മാത്രമാണ്.
