ബെംഗളൂരു: യുവതിയുടെ സ്വകാര്യ ചിത്രങ്ങള് പ്രചരിപ്പിക്കുമെന്ന് ഭീഷണിപ്പെടുത്തിയ കന്നഡ നടന് വരുണ് ആരാധ്യക്കെതിരെ പോലീസ് കേസെടുത്തു. സോഷ്യല് മീഡിയ ഇന്ഫ്ലൂവന്സര് വര്ഷ കാവേരിയാണ് വരുന്നിനെതിരെ പരാതി നല്കിയത്. കാമുകനായിരുന്ന വരുണ് തന്നെ വഞ്ചിച്ചത് പിടികൂടിയപ്പോഴാണ് ചിത്രങ്ങള് പ്രചരിപ്പിക്കുമെന്ന് ഭീഷണിപ്പെടുത്തിയതെന്ന് വര്ഷ നല്കിയ പരാതിയില് പറഞ്ഞു.
ഇരുവരും 2019 മുതല് പ്രണയത്തിലായിരുന്നു. 2023 ലാണ് വരുണിന്റെയും മറ്റൊരു യുവതിയുടെയും സ്വകാര്യ ചിത്രങ്ങള് കാണാനിടയാകുന്നത്. ഇതോടെ ഇവര് ബന്ധം അവസാനിപ്പിച്ചു. ഇതിന് പിന്നാലെയാണ് നടന് ബ്ലാക്ക്മെയിലിംഗ് ആരംഭിച്ചത്.
കൊലപാതക ഭീഷണിയടക്കം നേരിട്ടതോടെ കുറച്ചു നാള് വര്ഷ കാര്യങ്ങള് പുറത്തുപറഞ്ഞിരുന്നില്ല. ഇതിനിടെ വീഡിയോയും ചിത്രങ്ങളും വര്ഷയ്ക്ക് അയച്ചു നല്കുകയും പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്തു. സഹികെട്ടതോടെയാണ് യുവതി പോലീസിനെ സമീപിച്ചത്. വേറെ ആരെയെങ്കിലും വിവാഹം ചെയ്താല് കൊലപ്പെടുത്തുമെന്ന് ഭീഷണിപ്പെടുത്തിയെന്നും യുവതി പറഞ്ഞു.
ബസവേശ്വര നഗര് പോലീസാണ് നടനെതിരെ കേസ് രജിസ്റ്റര് ചെയ്തത്. സംഭവത്തില് അന്വേഷണം പുരോഗമിക്കുകയാണ്. വരുണ് പ്രതികരണങ്ങളൊന്നും ഇതുവരെ നടത്തിയിട്ടില്ല. കേരളത്തില് ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെയാണ് കന്നഡ ചലചിത്രമേഖലയിലും ഈ തുറന്നു പറച്ചിലുമുണ്ടാകുന്നത്.
