കൊച്ചി: ലൈംഗിക പീഡനക്കേസില് നടന് ജയസൂര്യയുടെ മുന്കൂര് ജാമ്യ ഹര്ജിയില് ഹൈക്കോടതി സര്ക്കാരിനോട് വിശദീകരണം തേടി. ഹര്ജി 23 ന് വീണ്ടും പരിഗണിക്കും.
സ്ത്രീത്വത്തെ അപമാനിച്ചു, സ്ത്രീകളെ ബലപ്രയോഗത്തിലൂടെ കീഴ്പ്പെടുത്താന് ശ്രമിച്ചു എന്നീ വകുപ്പുകളിലാണ് ജയസൂര്യക്കെതിരെ രണ്ട് കേസുകള് രജിസ്റ്റര് ചെയ്തിട്ടുളളത്.
പീഡനം നടന്നതായി പരാതിക്കാരി ആരോപിക്കുന്ന തിയതികളിലുള്പ്പെടെ വൈരുധ്യമുണ്ടെന്ന് ജയസൂര്യ ഹര്ജിയില് ചൂണ്ടിക്കാട്ടി.വിദേശത്തായതിനാല് എഫ്ഐആര് നേരിട്ട് കണ്ടിട്ടില്ലെന്നും സെപ്തംബര് 18ന് വിദേശത്ത് നിന്ന് മടങ്ങിവരുമെന്നും ജയസൂര്യ അറിയിച്ചു.
എറണാകുളം കൂത്താട്ടുകുളം, തിരുവനന്തപുരം കന്റോണ്മെന്റ് സ്റ്റേഷനുകളിലാണ് ജയസൂര്യക്കെതിരായ കേസ്.
