ദോഡ: കോൺഗ്രസ് നേതാവ് രാഹുൽ ഗാന്ധിയുടെ യുഎസിലെ പരാമർശം നിരുത്തരവാദപരമെന്ന് വിശേഷിപ്പിച്ച് കേന്ദ്രമന്ത്രി കിഷൻ റെഡ്ഡി. ഇന്ത്യയ്‌ക്കും ഭരണഘടനയ്‌ക്കും തെരഞ്ഞെടുപ്പിനും പ്രധാനമന്ത്രിക്കും എതിരായ രാഹുലിന്റെ പ്രസ്താവനകൾ തികച്ചും ബാലിശമായെന്ന് അദ്ദേഹം പറഞ്ഞു.
ഇതിനു പുറമെ രാഹുൽ ഗാന്ധി നിരുത്തരവാദപരവും ബാലിശമായ ബുദ്ധിയുള്ള വ്യക്തിയുമാണ്. വർഷങ്ങൾ കഴിഞ്ഞിട്ടും നമ്മുടെ രാജ്യം എന്താണെന്ന് രാഹുലിന് മനസ്സിലായില്ലേ എന്നും അദ്ദേഹം ചോദിച്ചു.
പ്രധാനമന്ത്രി നരേന്ദ്ര മോദി വിദേശത്ത് പോയി ഇന്ത്യൻ സമൂഹത്തിന്റെ ഒരു യോഗം നടത്തി. അതിൽ ലക്ഷക്കണക്കിന് ആളുകൾ പങ്കെടുത്തിരുന്നു. എന്നാൽ ഒരിക്കലും ഇന്ത്യയുടെ രാഷ്‌ട്രീയത്തെക്കുറിച്ചോ ഇന്ത്യയിലെ രാഷ്‌ട്രീയ പാർട്ടികളെക്കുറിച്ചോ സംസാരിച്ചിട്ടില്ലെന്നും റെഡ്ഡി പറഞ്ഞു.
കൂടാതെ ഇന്ത്യയുടെ പ്രതിച്ഛായ വർധിപ്പിക്കാനും ഇന്ത്യയിൽ നിക്ഷേപം കൊണ്ടുവരാനും പ്രധാനമന്ത്രി മോദി ശ്രമിക്കുന്നുണ്ടെന്നും റെഡ്ഡി കൂട്ടിച്ചേർത്തു. എന്നാൽ ബാലിശമായ ബുദ്ധിയോടെ രാഹുൽ ഗാന്ധി വിദേശത്ത് പോയി ഇന്ത്യയ്‌ക്കെതിരെയും ഭരണഘടനയ്‌ക്കെതിരെയും തിരഞ്ഞെടുപ്പിനെതിരെയും പ്രധാനമന്ത്രിക്കെതിരെയും പ്രസംഗിക്കുകയാണെന്നും അദ്ദേഹം വിമർശിച്ചു.
പ്രതികരിക്കാൻ ഇവിടെ എഴുതുക: