ന്യൂദല്ഹി: തീവ്ര ഇസ്ലാമിക വാദിയും ജിഹാദിയുമായ അമേരിക്കന് കോണ്ഗ്രസ് അംഗം ഇല്ഹാന് ഒമറിനെ അമേരിക്കയില് നിന്നും അവരുടെ ജന്മനാടായ സൊമാലിയയിലേക്ക് നാടുകടത്തണമെന്ന് റിപ്പബ്ലിക്കന് പാര്ട്ടി നേതാവ് ഡൊണാള്ഡ് ട്രംപ്. യുഎസിലെ മിനസോട്ടയില് നിന്നുള്ള ഇപ്പോഴത്തെ യുഎസ് പ്രസിഡന്റ് ജോ ബൈഡന്റെ ഡെമോക്രാറ്റിക് പാര്ട്ടി അംഗമാണ് ഇല്ഹാന് ഒമര്.
നേരത്തെ പാകിസ്ഥാന് അധിനിവേശ കശ്മീരില് വരെ സന്ദര്ശനം നടത്തിയവരാണ് ഇല്ഹാന് ഒമര്. ഇവരുടെ യാത്ര അന്ന് സ്പോണ്സര് ചെയ്തത് പാകിസ്ഥാനാണെന്ന് പിന്നീട് വെളിപ്പെടുക കൂടി ചെയ്തു. പ്രധാനമന്ത്രി മോദി അമേരിക്ക സന്ദര്ശനത്തിനിടെ യുഎസ് കോണ്ഗ്രസിനെ അഭിസംബോധന ചെയ്തപ്പോള് ആ ചടങ്ങ് ബഹിഷ്കരിച്ച വ്യക്തി കൂടിയാണ് ഇല്ഹാന് ഒമര്.
ഇസ്രയേലിനെ ശക്തമായി എതിര്ക്കുന്ന മിനസോട്ട പ്രവിശ്യയില് നിന്നുള്ള യുഎസ് കോണ്ഗ്രസ് അംഗമായ ഇല്ഹാന് ഒമറിനെ യുഎസിന് ആവശ്യമില്ലെന്നും അവരെ ഉടനെ ജന്മാനാടായ സൊമാലിയയിലേക്ക് നാടു കടത്തേണ്ടത് അത്യാവശ്യമാണെന്നും ഡൊണാള്ഡ് ട്രംപും റിപ്പബ്ലിക്കന് പാര്ട്ടിയും ആവശ്യപ്പെട്ടു. ഇസ്രയേലിനെ പിന്തുണച്ച ഇല്ഹാന് ഒമറിനെ 2023ല് തന്നെ യുഎസ് സര്ക്കാരിന്റെ വിദേശകാര്യ സമിതിയില് നിന്നും പുറത്താക്കിയതിന് പിന്നില് റിപ്പബ്ലിക്കന് പാര്ട്ടിയുടെ ശക്തമായ എതിര്പ്പായിരുന്നു.
ഇല്ഹാന് ഒമറിന്റെ മകള് ഇസ്ര ഹിര്സിയെ ഇസ്രയേല് വിരുദ്ധ സമരത്തിന്റെ പേരില് അമേരിക്കയിലെ ബെര്ണാഡ് കോളെജില് നിന്നും പുറത്താക്കിയിട്ടുണ്ട്.
