ലക്നൗ : ദളിത് പെൺകുട്ടിയെ ബലാത്സംഗം ചെയ്ത കേസിലെ പ്രതി ഷഹബാനെ വെടിവച്ച് വീഴ്ത്തി യുപി പൊലീസ് . കേസിലെ മറ്റൊരു പ്രതിയായ മോനു മുഹമ്മദിനൊപ്പം രക്ഷപ്പെടാൻ ശ്രമിക്കുകയായിരുന്നു ഷഹബാൻ. ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അയോധ്യയിൽ വന്ന് മടങ്ങിയതിന് തൊട്ടുപിന്നാലെയാണ് ഖണ്ഡസ പോലീസിന്റെ നടപടി .
സെപ്റ്റംബർ 5 നാണ് 16 കാരിയായ പെൺകുട്ടിയും , പിതാവും ഖന്ദസ പോലീസ് സ്റ്റേഷനിൽ പീഡന പരാതി നൽകിയത് . പെൺകുട്ടിയെ നിർബന്ധിച്ച് ഫാമിലേക്ക് കൊണ്ടുപോയി സുഹൃത്ത് മോനുവിന്റെ സാന്നിധ്യത്തിൽ ഷഹബാൻ ബലാത്സംഗം ചെയ്യുകയായിരുന്നു . വിവരം പുറത്ത് പറഞ്ഞാൽ കൊന്നുകളയുമെന്ന് ഭീഷണിപ്പെടുത്തുകയും ചെയ്തു.
ഇതോടെ ഭയന്ന പെൺകുട്ടി ഇക്കാര്യം ആരോടും പറഞ്ഞില്ല. എന്നാൽ ഇതോടെ ഷഹബാന്റെ തുടർച്ചയായി പെൺകുട്ടിയെ ശല്യം ചെയ്യാൻ തുടങ്ങി. ഇത് ഭയന്ന് പെൺകുട്ടി വീട്ടിൽ നിന്ന് പുറത്തിറങ്ങുന്നത് നിർത്തി. തുടർന്ന് വീട്ടുകാർ കാര്യം അന്വേഷിച്ചപ്പോഴാണ് സത്യം പുറത്ത് വന്നത് . പിന്നാലെ പോലിസീൽ പരാതി നൽകുകയായിരുന്നു. എന്നാൽ ഇതിനിടെ പ്രതികൾ ഒളിവിൽപ്പോയി.
വിനായക്പൂർ വളവിന് സമീപം പോലീസ് പരിശോധന നടത്തുന്നതിനിടെയാണ് ഷഹബാനെയും , കൂട്ടാളിയെയും പൊലീസ് കണ്ടത് . വാഹനം നിർത്താൻ പൊലീസ് ആവശ്യപ്പെട്ടതോടെ ഇവർ ഓടി രക്ഷപെടാൻ ശ്രമിച്ചു .
പ്രതികരിക്കാൻ ഇവിടെ എഴുതുക: