ഇന്ത്യയില്‍ 2024ലെ ജനങ്ങളുടെ വിധിയെഴുത്ത് കാറ്റില്‍ പറത്തി ഇവിടുത്തെ സര്‍ക്കാരിനെ അട്ടിമറിക്കാന്‍ അമേരിക്കയും ചൈനയും ശ്രമിക്കുന്നതായി റിപ്പബ്ലിക് ചാനലിന്റെ അര്‍ണാബ് ഗോസ്വാമി. ബംഗ്ലാദേശില്‍ നടന്ന ഭരണ അട്ടിമറിക്ക് പിന്നില്‍ അമേരിക്കയിലെ ഡീപ് സ്റ്റേറ്റിന്റെ കരങ്ങളുണ്ടെന്നും അര്‍ണാബ് ആരോപിക്കുന്നു.
തെരഞ്ഞെടുപ്പില്‍ ഒരിയ്‌ക്കലും ഷേഖ് ഹസീനയെ അട്ടിറിക്കാന്‍ കഴിയില്ലെന്ന് അമേരിക്കയ്‌ക്കറിയാം. ബംഗ്ലാദേശിലെ സെന്‍റ് മാര്‍ട്ടിന്‍ ദ്വീപ് ഷേഖ് ഹസീനയ്‌ക്ക് നല്‍കാന്‍ ആവശ്യപ്പെട്ടെങ്കിലും ഷേഖ് ഹസീന അതിന് വഴങ്ങിയിരുന്നില്ല. ഇന്ത്യന്‍ മഹാസമുദ്രത്തെ നിയന്ത്രിക്കാന്‍ വേണ്ടി സെന്‍റ് മാര്‍ട്ടിന്‍ ദ്വീപില്‍ സൈനിക കേന്ദ്രം സ്ഥാപിക്കാന്‍ അമേരിക്ക ആഗ്രഹിച്ചിരുന്നു. എന്നാല്‍ ഇതിന് വിലങ്ങ് തടിയായി നിന്ന ഷേഖ് ഹസീനയെ അധികാരത്തില്‍ നിന്നും അട്ടിമറിക്കുക അമേരിക്കയുടെ ആവശ്യമായിരുന്നു. ബംഗ്ലാദേശ് കലാപത്തിന് പിന്നില്‍ അമേരിക്കയുടെ വിരലടയാളം ഉടനീളം ഉണ്ടെന്ന് അര്‍ണാബ് ഗോസ്വാമി വാദിച്ചു. അവരുടെ ആഗ്രഹങ്ങള്‍ക്ക് വഴങ്ങാത്ത സര്‍ക്കാരുകളെ അട്ടിമറിക്കുക എന്നത് അമേരിക്കയുടെയും ചൈനയുടെയും ലക്ഷ്യമാണെന്ന് അര്‍ണാബ് ഗോസ്വാമി പറയുന്നു.
വൈകാതെ ഇന്ത്യയിലെ തെരഞ്ഞെടുക്കപ്പെട്ട സര്‍ക്കാരിനെയും അമേരിക്കയും ചൈനയും താഴെ വീഴ്‌ത്തും. അതിനുവേണ്ടി കലാപങ്ങള്‍ക്ക് വട്ടം കൂട്ടുകയാണ് അമേരിക്കയും ചൈനയും. ഇത് ബംഗ്ലാദേശിന്റെ മാത്രമാണെന്ന് കരുതി ആരും വിഡ്ഡികളാകരുത്. നേരത്തെ ഇന്ത്യയില്‍ നടന്ന പൗരത്വ വിരുദ്ധ കലാപവും കര്‍ഷകകലാപവും ബംഗ്ലാദേശില്‍ ജമാ അത്തെ ഇസ്ലാമി നടത്തിയ അട്ടിമറിശ്രമം പോലെയായിരുന്നുവെന്നും അദ്ദേഹം പറഞ്ഞു. ബംഗ്ലാദേശിലെ ഷേഖ് ഹസീനയെപ്പോലെ ഇവിടെയും മോദിയെ ജനാധിപത്യ തെരഞ്ഞെടുപ്പിലൂടെ അട്ടിമറിക്കുക എളുപ്പമല്ലെന്ന് അമേരിക്ക മനസ്സിലാക്കിക്കഴിഞ്ഞു. അപ്പോള്‍ ബിജെപി സര്‍ക്കാരിനെ താഴെയിറക്കാന്‍ കലാപം മാത്രമാണ് പോംവഴി.
ഇന്ത്യ-മിഡില്‍ ഈസ്റ്റ് സാമ്പത്തിക ഇടനാഴി ജി20യില്‍ ഇന്ത്യ പ്രഖ്യാപിച്ചതോടെ ചൈനയ്‌ക്ക് ഷോക്കായി. അന്ന് രാത്രിയാണ് ചൈനയും ഇറാനും ചേര്‍ന്ന് ഹമാസ് സഹായത്തോടെ ഇസ്രയേല്‍ ആക്രമണം നടത്തി മധ്യേഷ്യയെ അസ്ഥിരപ്പെടുത്തിയത്. ഇന്ത്യയുടെ രാഷ്‌ട്രീയ, സമൂഹ്യ മേഖലകളില്‍ ചൈന നുഴഞ്ഞുകയറിയിരിക്കുകയാണ്. ചെറിയ രാജ്യങ്ങിലെ ഭരണം ആഭ്യന്തരകലാപങ്ങള്‍ നടത്തി അട്ടിമറിക്കുക എന്നത് ചൈനയുടെയും അമേരിക്കയുടെയും ശൈലിയാണ്. ഇലക്ഷന്‍ കമ്മീഷനെ വിശ്വസിക്കരുതെന്നും വോട്ടിംഗ് യന്ത്രങ്ങളെ വിശ്വസിക്കരുതെന്നും ഉള്ള പ്രചാരണം പ്രതിപക്ഷനേതാക്കള്‍ അഴിച്ചുവിട്ടത് ഇതിന്റെ ഭാഗമായാണ്. – അര്‍ണാബ് പറയുന്നു.
.
പ്രതികരിക്കാൻ ഇവിടെ എഴുതുക: