നെയ്റോബി: ഒളിംപ്യനും ഉഗാണ്ടയുടെ മാരത്തണ് താരവുമായ റെബേക്ക ചെപ്തെഗെയിയെ മുന് ആണ്സുഹൃത്ത് തീകൊളുത്തി കൊന്നു.
പള്ളിയില് നിന്ന് മക്കളോടൊപ്പം വീട്ടില് തിരിച്ചെത്തിയ റെബേക്കയ്ക്ക് നേരെ മുന് കാമുകന് ഡിക്സണ് എന്ഡീമ ആക്രമണം നടത്തുകയായിരുന്നു. വീടിന് പുറത്ത് ഇരുവരും വാക്കേറ്റത്തില് ഏര്പ്പെട്ടിരുന്നതായും പിന്നീട് സുഹൃത്ത് റബേക്കയുടെ ശരീരത്തിലേക്ക് പെട്രോളൊഴിച്ച് തീകൊളുത്തി.
ശരീരത്തിന്റെ 75% പൊള്ളലേറ്റു. ഗുരുതരാവസ്ഥയില് ആശുപത്രിയില് പ്രവേശിപ്പിച്ച താരത്തിന്റെ മരണം ഇന്നലെയാണ് സ്ഥിരീകരിച്ചത്. ഇരുവരും തമ്മില് ഭൂമിയെച്ചൊല്ലി തര്ക്കം നിലനിന്നിരുന്നു. ആണ് സുഹൃത്തിനും പൊള്ളലേറ്റു. തായ്ലന്ഡില് 2022ല് നടന്ന വേള്ഡ് മൗണ്ടെയ്ന് ആന്ഡ് ട്രയല് റണ്ണിങ് ചാമ്പ്യന്ഷിപ്പില് റെബേക്ക സ്വര്ണം നേടിയിരുന്നു. വനിത കായികതാരങ്ങള്ക്കെതിരായ ആക്രമണങ്ങള് കെനിയയില് വര്ധിക്കുന്നതായി വിമര്ശനമുണ്ട്. കഴിഞ്ഞ ഒക്ടോബറിന് ശേഷം കൊല്ലപ്പെടുന്ന മൂന്നാമത്തെ വനിതാ കായികതാരമാണ് റെബേക്ക.
