പാലക്കാട് : സിപിഎം അച്ചടക്കനടപടി സ്വീകരിച്ച പശ്ചാത്തലത്തില്‍ പി കെ ശശിയെ കെ ടി ഡി സി ചെയര്‍മാന്‍ സ്ഥാനത്ത് നിന്ന് നീക്കണമെന്ന് പാലക്കാട് ജില്ലാ സെക്രട്ടേറിയറ്റില്‍ ആവശ്യമുയര്‍ന്നു.ഇക്കാര്യത്തില്‍ ശുപാര്‍ശ ജില്ലാ നേതൃത്വം സംസ്ഥാന നേതൃത്വത്തിന് നല്‍കി.
അതേസമയം ഒഴിയാന്‍ പറഞ്ഞാല്‍ അപ്പോള്‍ നോക്കാമെന്നായിരുന്നു പികെ ശശിയുടെ മറുപടി.
സാമ്പത്തിക ക്രമക്കേട് ഉള്‍പ്പെടെ കാട്ടി പാര്‍ട്ടിയുടെ എല്ലാ ചുമതലകളില്‍ നിന്നും പി കെ ശശിയെ നീക്കിയിരുന്നു.നിലവില്‍ ബ്രാഞ്ച് അംഗം മാത്രമാണ് പി കെ ശശി.
സിഐടിയു നേതൃത്വത്തില്‍ നിന്നും ശശിയെ മാറ്റി നിര്‍ത്തണമെന്നും ആവശ്യമുണ്ട്. അതേസമയം, ജില്ലാ നേതൃത്വത്തിന്റെ തീരുമാനത്തെക്കുറിച്ചറിയില്ലെന്നാണ് പി കെ ശശിയുടെ പ്രതികരണം.
പാലക്കാട് നിയമസഭാ മണ്ഡലത്തില്‍ ഉപതെരഞ്ഞെടുപ്പ് നടക്കേണ്ട സാഹചര്യത്തില്‍ ശശിക്കെതിരായ നടപടിയിലൂടെ മുഖം മിനുക്കല്‍ കൂടി സി പി എം ലക്ഷ്യമിടുന്നു.
പ്രതികരിക്കാൻ ഇവിടെ എഴുതുക: