കൊല്ക്കത്ത: ബലാത്സംഗക്കേസുകളില് പ്രതികൾക്ക് വധശിക്ഷയും അതിവേഗ വിചാരണയും ഉറപ്പു വരുത്തുന്ന ‘അപരാജിത വുമൺ ആൻഡ് ചൈൽഡ് ബിൽ’ പശ്ചിമ ബംഗാള് നിയമസഭ ഏകകണ്ഠമായി പാസാക്കി. ബലാത്സംഗത്തെത്തുടർന്ന് ഇര കൊല്ലപ്പെടുകയോ, ശരീരം തളര്ന്ന അവസ്ഥയിലാകുകയോ ചെയ്താല് പ്രതിക്ക് വധശിക്ഷ ബില്ലില് നിര്ദേശിക്കുന്നു.
ലൈംഗികപീഡനങ്ങളില് പ്രതിക്ക് പരോള് ഇല്ലാതെ ജീവപര്യന്തം തടവുശിക്ഷയും ശുപാര്ശ ചെയ്യുന്നു. അനുമതിയമില്ലാതെ കോടതി നടപടികളടക്കം റിപ്പോര്ട്ട് ചെയ്താല് 5 വര്ഷം വരെ തടവും ബില്ലില് വ്യവസ്ഥ ചെയ്യുന്നു. അതിക്രമത്തിനിരയാകുന്നവർ കൊല്ലപ്പെടുകയോ ഗുരുതരമായി പരിക്കേൽക്കുകയോ ചെയ്താൽ വധശിക്ഷ ഉറപ്പാക്കുന്നതാണ് നിയമ ഭേദഗതി. കുറഞ്ഞത് 20 വർഷം തടവും ബില്ലില് വ്യവസ്ഥ ചെയ്യുന്നു.
ഇരയുടെ പേരുവിവരങ്ങൾ വെളിപ്പെടുത്തുന്നവർക്കും ചിത്രങ്ങൾ പ്രചരിപ്പിക്കുന്നവർക്കും 3 മുതൽ 5 വർഷം വരെ തടവ് ശിക്ഷ. അനുമതിയില്ലാതെ കോടതി നടപടികളടക്കം റിപ്പോര്ട്ട് ചെയതാലും 5 വര്ഷം വരെ തടവ് ശിക്ഷ കിട്ടും. വിചാരണ നടപടികൾ വേഗത്തിൽ പൂർത്തിയാക്കി ശിക്ഷ നടപ്പാക്കാനും ബില്ലിൽ നിര്ദ്ദേശിക്കുന്നു.
