ന്യൂദല്ഹി : മുല്ലപ്പെരിയാര് അണക്കെട്ടില് സുരക്ഷാ പരിശോധന വേണമെന്ന കേരളത്തിന്റെ ആവശ്യം കേന്ദ്ര ജലകമ്മീഷന് അംഗീകരിച്ചു.അണക്കെട്ടിന്റെ സുരക്ഷാ പരിശോധന ഒരു വര്ഷത്തിനുള്ളില് നടത്തണമെന്നും മേല്നോട്ട സമിതി വിലയിരുത്തി.
2011 ന് ശേഷം മുല്ലപ്പെരിയാറുമായി ബന്ധപ്പെട്ട് കേരളത്തിന്റെ ആവശ്യം അംഗീകരിക്കുന്നത് ആദ്യമായാണ്. 2026 സുരക്ഷാ പരിശോധന മതിയെന്ന തമിഴ്നാടിന്റെ വാദം തള്ളി.
വയനാട്ടിലെ മുണ്ടക്കൈ, ചൂരല്മല എന്നിവിടങ്ങളിലെ ഉരുള്പൊട്ടലിനെ തുടര്ന്ന് മുല്ലപ്പെരിയാറിന്റെ സുരക്ഷ സംബന്ധിച്ച് വ്യാപക ചര്ച്ചകള് നടക്കുകയും ഡാം ഡികമ്മിഷന് ചെയ്യണമെന്ന ആവശ്യം ശക്തമായി ഉയരുകയും ചെയ്തിരുന്നു.
മുല്ലപ്പെരിയാര് ഡാമിന്റെ പരമാവധി സംഭരണ ശേഷി 152 അടിയാണ്. അനുവദനീയ സംഭരണ ശേഷി 142 അടി. 2010ല് സുപ്രീം കോടതി നിയോഗിച്ച ജസ്റ്റിസ് എഎസ് ആനന്ദ് കമ്മിറ്റിയുടെ നിര്ദേശാനുസരണമാണ് 2014ല് അണക്കെട്ടിലെ ജലനിരപ്പ് 136ല് നിന്ന് 142 അടിയാക്കി ഉയര്ത്തിയത്.
