തിരുവനന്തപുരം: സോളാര് കേസ് ഒത്തുതീര്പ്പാക്കാന് നിലവിലെ എ ഡി ജി പി എം ആര് അജിത് കുമാര് ബന്ധപ്പെട്ടിരുന്നെന്ന് പരാതിക്കാരി . സ്വാധീനമുള്ളവരാണ് അപ്പുറത്തെന്നതിനാല് മൊഴി നല്കുമ്പോള് സൂക്ഷിക്കണമെന്ന് മുന്നറിയിപ്പും നല്കിയിരുന്നു.
എ ഐ സി സി ജനറല് സെക്രട്ടറിയും എം പിയുമായ കെസി വേണുഗോപാല് ഉള്പ്പടെ രണ്ടു പേര്ക്ക് വേണ്ടിയാണ് അജിത് കുമാര് സംസാരിച്ചതെന്ന് പരാതിക്കാരി വെളിപ്പെടുത്തി.മൊഴി നല്കുമ്പോള് ശ്രദ്ധിച്ചാല് സൈ്വര്യമായി ജീവിക്കാമെന്നാണ് എം ആര് അജിത് കുമാര് പറഞ്ഞത്. ഈ ഘട്ടത്തില് കേസ് വേണ്ടെന്ന് താന് പോലും ചിന്തിച്ചു പോയെന്ന് പരാതിക്കാരി പറഞ്ഞു.
എം ആര് അജിത് കുമാര് രണ്ട് പേര്ക്ക് വേണ്ടിയാണ് ഇടപെട്ടതെങ്കിലും കൂടുതലും സംസാരിച്ചത്.കെ സി വേണുഗോപാലിന് വേണ്ടിയായിരുന്നു മൊഴി പകര്പ്പ് വേണമെന്ന് പറഞ്ഞു വാട്സ്ആപ്പ് സന്ദേശം വരെ അയച്ചു.കേസില് നിന്ന് പിന്മാറാന് തനിക്ക് വേണ്ടപ്പെട്ടവരെയും ഉപയോഗിച്ചു. പി.വി അന്വര് പറഞ്ഞത് അവഗണിക്കാനാവില്ലെന്നും സോളാര് കേസിലെ പരാതിക്കാരി വ്യക്തമാക്കി.
നേരത്തെ തന്നെ എം ആര് അജിത് കുമാറുമായി പരിചയമുണ്ടായിരുന്നു. ആ പരിചയത്തിലാണ് ഈ സംസാരമെല്ലാം നടന്നതെന്നും അവര് വ്യക്തമാക്കി.
സോളാര് കേസ് അന്വേഷണം എഡിജിപി അജിത് കുമാര് അട്ടിമറിച്ചെന്നുള്ള ഗുരുതര ആരോപണം പിവി അന്വര് എംഎല്എ നേരത്തേ ഉന്നയിച്ചിരുന്നു. കെസി വേണുഗോപാലുമായി അജിത് കുമാറിന് അടുത്ത ബന്ധമുണ്ട്. അദ്ദേഹത്തിന്റെ നിര്ദേശാനുസരണം പരാതിക്കാരിയെ അജിത്കുമാര് ബ്രെയിന് വാഷ് ചെയ്തുവെന്നും ജീവിക്കാന് ആവശ്യമായ പണം പ്രതികളില് നിന്ന് വാങ്ങി നല്കാമെന്ന് അജിത് കുമാര് ഉറപ്പ് നല്കിയതോടെ പരാതിക്കാരി പല മൊഴികളും മാറ്റിയെന്നും അന്വര് പുറത്തുവിട്ട ഓഡിയോയില് പറയുന്നു.
