കൊച്ചി: വഞ്ചനാക്കുറ്റം ചുമത്തി ആര്ഡിഎക്സ് സിനിമ നിര്മാതാക്കള്ക്കെതിരെ തൃപ്പൂണിത്തുറ പോലീസ് കേസ് രജിസ്റ്റര് ചെയ്തു.
നിര്മാതാക്കളായ സോഫിയ പോള്, ജെയിംസ് പോള് എന്നിവര്ക്കെതിരെയാണ് കേസെടുത്തത്. സിനിമയ്ക്കായി മുടക്കിയ പണത്തിന്റെ കണക്കോ ലാഭവിഹിതമോ നല്കിയില്ലെന്ന പരാതിയില് തൃപ്പൂണിത്തുറ സ്വദേശി അഞ്ജന അബ്രഹാമിന്റെ പരാതിയിലാണ് കേസ്.
ചിത്രത്തിന്റെ നിര്മാണത്തിനായി 6 കോടി രൂപ അഞ്ജന അബ്രഹാം നല്കിയിരുന്നു. സിനിമയില് നിന്ന് നൂറ് കോടിയിലേറെ രൂപ വരുമാനം നേടിയിട്ടും വാഗ്ദാനം ചെയ്ത ലാഭവിഹിതം നല്കിയില്ലെന്നും വ്യാജ രേഖകള് ഉണ്ടാക്കി നിര്മാണ ചെലവ് ഇരട്ടിയിലേറെയായി പെരുപ്പിച്ചു കാണിച്ചെന്നും അഞ്ജന നല്കിയ പരാതിയില് പറയുന്നു. തൃപ്പൂണിത്തുറ മജിസ്ട്രേട്ട് കോടതിയുടെ നിര്ദേശ പ്രകാരമാണ് പോലീസ് കേസ് രജിസ്റ്റര് ചെയ്തത്.
