പാക്കിസ്ഥാനിൽ ഹിന്ദു യുവതിയെ തട്ടിക്കൊണ്ടുപോയി ; പീഡനത്തിരയാക്കി , ഇസ്ലാമാക്കി മാറ്റി നിക്കാഹ് കഴിച്ചു ; ജീവൻ അപകടത്തിലാണെന്ന് യുവതി

ഇസ്ലാമാബാദ് : പാക്കിസ്ഥാനിൽ 28 കാരിയായ ഹിന്ദു യുവതിയെ തട്ടിക്കൊണ്ടുപോയി മതം മാറ്റിയതായി പരാതി. സിന്ധിലെ മതിയാരി ജില്ലയിലാണ് സംഭവം. ജുദോ സിന്ധിലെ ഹാഷിമിന്റെ മകൻ വഖാറിനെതിരെയാണ് പരാതി . വഖാർ യുവതിയെ തട്ടിക്കൊണ്ടുപോയി പീഡനത്തിനിരയാക്കിയെന്നും , പിന്നീട് നിർബന്ധിച്ച് യുവതിയെ ഇസ്ലാമാക്കി മാറ്റി, വിവാഹം കഴിച്ചുവെന്നുമാണ് പരാതി. യുവതിയുടെ മീര എന്ന പേര് ഷെഹ്നാസ് എന്നാക്കി മാറ്റി.

ഇസ്ലാമിക മതപരിവർത്തനവും തുടർന്നുള്ള നിർബന്ധിത വിവാഹവും കാരണം തന്റെ ജീവൻ അപകടത്തിലാണെന്ന് ഷെഹ്നാസ് പറഞ്ഞു. വഖാറും സഹോദരന്മാരും, ബന്ധുക്കളും തന്നെ ഭീഷണിപ്പെടുത്തുന്നുണ്ടെന്നും യുവതി പറഞ്ഞു.

തനിക്ക് സുരക്ഷ നൽകണമെന്നും യുവതി അധികൃതരോട് ആവശ്യപ്പെട്ടു. പാക്കിസ്ഥാനിൽ ന്യൂനപക്ഷ വിഭാഗങ്ങൾക്കെതിരെ പീഡനങ്ങൾ തുടരുന്നുവെന്നതിന്റെ നേർസാക്ഷ്യങ്ങളിലൊന്നാണ് ഈ സംഭവം.