കൊച്ചി : നടനും എം എല് എയുമായ മുകേഷ് തന്റെ അഭിഭാഷകനായ ജിയോ പോളുമായി അദ്ദേഹത്തിന്റെ വീട്ടിലെത്തി കൂടിക്കാഴ്ച നടത്തി. തനിക്കെതിരെ ലൈംഗിക ആരോപണം ഉന്നയിച്ച നടിക്കെതിരായ തെളിവുകള് അഭിഭാഷകന് കൈമാറി.നടി പണം ആവശ്യപ്പെട്ടത് ഉള്പ്പടെ നിര്ണായക രേഖകളാണ് കൈമാറിയതെന്ന് അഭിഭാഷകന് ജിയോ പോള് വെളിപ്പെടുത്തി.
മുകേഷിന്റെ നിരപരാധിത്വം തെളിയിക്കുമെന്നും അഭിഭാഷകന് പറഞ്ഞു.മുകേഷിനെ ബ്ളാക് മെയില് ചെയ്യുകയായിരുന്നു നടിയെന്നും അഡ്വ ജിയോ പോള് വ്യക്തമാക്കി
ലൈംഗിക പീഡനം നടന്നിട്ടില്ല. ആരോപണം മാത്രമാണെന്നും അന്വേഷണം സത്യസന്ധമായി നടക്കട്ടെയെന്നും അഭിഭാഷകന് പറഞ്ഞു. മുകേഷ് കൈമാറിയ രേഖകള് തിങ്കളാഴ്ച കോടതിയില് ഹാജരാക്കും. അഭിഭാഷകനെ കണ്ട ശേഷം മുകേഷ് തിരുവനന്തപുരത്തേക്ക് മടങ്ങി.
മുകേഷിന്റെ അറസ്റ്റ് കോടതി സെപത്ംബര് മൂന്ന് വരെയാണ് തടഞ്ഞിരിക്കുന്നത്. ഈ സാഹചര്യത്തിലാണ് അഭിഭാഷകനുമായി മുകേഷ് കൂടിക്കാഴ്ച നടത്തിയത്. അതേസമയം മുകേഷ് എംഎല്എ സ്ഥാനം രാജിവയ്ക്കണം എന്നാവശ്യപ്പെട്ട് പ്രതിപക്ഷ പാര്ട്ടികളുടെ പ്രതിഷേധം വെളളിയാഴ്ചയും തുടര്ന്നു.
