കൊച്ചി: താരസംഘടനയായ അമ്മയുടെ ഓഫീസിന് മുന്നില്‍ റീത്ത് വച്ച് ലോ കോളേജിലെ വിദ്യാര്‍ത്ഥികളുടെ പ്രതിഷേധം. അച്ഛന്‍ ഇല്ലാത്ത ‘അമ്മ’യ്‌ക്ക് എന്ന വാചകത്തോടെയാണ് റീത്ത് വച്ചത്.
ലോ കോളജ് വിദ്യാര്‍ത്ഥികളുടെ യൂണിയന്റെ റീത്താണ് പ്രതിഷേധ സൂചകമായി അമ്മയുടെ ഓഫീസിന് മുന്നില്‍ വച്ചത്. നിലവിലെ പ്രശ്‌നങ്ങളില്‍ അമ്മയുടെ ഓഫീസിന് തീ കത്തുമ്പോള്‍ പുറത്തേക്ക് ഇറങ്ങിയോടുന്ന അംഗങ്ങളുടെ കാര്‍ട്ടൂണും റീത്തിനൊപ്പം ഉണ്ട്.
ഭാരവാഹികള്‍ക്കെതിരെ ഉള്‍പ്പെടെ ആരോപണങ്ങള്‍ ഉയര്‍ന്നതിന് പിന്നാലെ കഴിഞ്ഞ നാലു ദിവസമായി അമ്മയുടെ ഓഫീസ് അടഞ്ഞുകിടക്കുകയാണ്. ഇതിനിടെയാണ് വിദ്യാര്‍ത്ഥികള്‍ പ്രതിഷേധിച്ചത്.
‘അമ്മ’ യുടെ 17 അംഗ എക്‌സിക്യൂട്ടീവ് ചൊവ്വാഴ്ച കൊച്ചിയില്‍ യോഗം ചേരാന്‍ നിശ്ചയിച്ചിരുന്നെങ്കിലും പ്രസിഡന്‍്‌റ് മോഹന്‍ലാലിന്റെ അസൗകര്യത്തെ തുടര്‍ന്ന് മാറ്റിവച്ചു.
പ്രതികരിക്കാൻ ഇവിടെ എഴുതുക: