സർക്കാർ അപമാനിച്ചു ചേർത്ത് പിടിച്ചു സുരേഷ്​ഗോപി; ശ്രീജേഷിനും കുടുംബത്തിനും വീട്ടിൽ സദ്യയൊരുക്കി നടൻ

തിരുവനന്തപുരം: ഒളിമ്പ്യനും ഇന്ത്യൻ ഹോക്കി ടീമിന്റെ ​മുൻ ​ഗോൾ കീപ്പറുമായ പി.ആർ ശ്രീജേഷിനെ ആദരിച്ച് കേന്ദ്രമന്ത്രി സുരേഷ് ​ഗോപിയും ഭാര്യ രാധികയും. സർക്കാരിന്റെ അനുമോദന ചടങ്ങിനെത്തിയ വെങ്കല മെഡൽ ജേതാവിനെയും കുടുംബത്തെയും ശാസ്തമം​ഗലത്തെ വീട്ടിൽ സ്വീകരിച്ചാണ് അഭിനന്ദിച്ചത്.

ഇവർക്കായി സദ്യയുമൊരുക്കിയിരുന്നു. സംസ്ഥാന സർക്കാർ അനുമോദനം സ്വീകരിക്കാനാണ് ശ്രീജേഷ് കുടുംബ സമേതം തലസ്ഥാനത്ത് എത്തിയത്.എന്നാൽ വകുപ്പുകളുടെ തർക്കത്തെ തുടർന്ന് ചടങ്ങ് മാറ്റിവച്ച് ശ്രീജേഷിനെഅപമാനിക്കുകയായിരുന്നു. വിവരം താരത്തെ ഇന്നലെ വൈകിട്ട് മാത്രമാണ് അറിയിച്ചത്. ഈ അ​വ​ഗണനയ്‌ക്ക് താരം പ്രധാനമന്ത്രിക്കൊപ്പമുള്ള ചിത്രം പങ്കുവച്ചാണ് മറുപടി നൽകിയത്. ഇതിന് പിന്നാലെയാണ് കേന്ദ്രമന്ത്രി ഒളിമ്പ്യന് വസതിയിൽ സ്വീകരണമൊരുക്കിയത്.

ഇന്ത്യക്കായി വിയർത്തു നേടിയ അം​ഗീകാരത്തിനും മെഡ‍ലുകൾക്കും രാജ്യം എന്നും കടപ്പെട്ടിരിക്കുമെന്നും സുരേഷ് ​ഗോപി ശ്രീജേഷിനോട് പറഞ്ഞു.ശ്രീജേഷിനാെപ്പം ഭാര്യ ഡോ. അനീഷ്യ, മക്കൾ, സഹോദരങ്ങൾ മാതാപിതാക്കൾ എന്നിവരും ഉണ്ടായിരുന്നു.ഇതിന്റെ ചിത്രങ്ങളും പുറത്തുവന്നു.