തിരുവനന്തപുരം: നഗരത്തില്‍ തെരുവുനായ ആക്രമണത്തില്‍ നിരവധി പേര്‍ക്ക് പരിക്ക്.തിരുവനന്തപുരം, കരമന, കൈമനം, ചിറമുക്ക് മേഖലകളിലാണ് തെരുവുനായയുടെ ആക്രമണം.ഇവിടങ്ങളിലായി 32 പേരെയാണ് തെരുവുനായ കടിച്ചത്.
പരിക്കേറ്റവര്‍ തിരുവനന്തപുരം ജനറല്‍ ആശുപത്രിയിലും മെഡിക്കല്‍ കോളേജിലും ചികിത്സ തേടി. നേമം ശാന്തിവിള ആശുപത്രിയിലും 8 പേര്‍ ചികിത്സ തേടി. ഇതില്‍ മൂന്നു പേരുടെ പരിക്ക് ഗുരുതരമാണ്.
പോത്തീസിന് സമീപമാണ് നിരവധി പേരെ നായ കടിച്ചത്. ഈ നായ തന്നെയാണ് പലയിടത്തും ആളുകളെ കടിച്ചതെന്നാണ് വിവരം. നായയ്‌ക്കായി തിരുവനന്തപുരം നഗരത്തില്‍ രണ്ട് ഡോഗ് സ്‌ക്യാഡുകളാണ് തെരച്ചില്‍ നടത്തുന്നത്. കടിച്ച നായക്ക് പേവിഷബാധ ഉണ്ടോ എന്നാണ് സംശയം. ചികിത്സ തേടിയവര്‍ക്കെല്ലാം പേവിഷ വാക്‌സിന്‍ നല്‍കുമെന്ന് ആശുപത്രി അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: