സ്റ്റാര്‍ഡാ………..യൂട്യൂബിലെ എല്ലാ റെക്കോർഡും തകർത്ത് ക്രിസ്റ്റ്യാനോ റൊണാൾഡോ

ആരാധകരുടെ കാത്തിരിപ്പിന് അവസാനം കുറിച്ച് പോർച്ചുഗൽ താരം ക്രിസ്റ്റ്യാനോ റൊണാൾഡോ.  തന്റെ യൂട്യൂബ് ചാനൽ ആരംഭിച്ചതും അവിടെയും റൊണാൾഡോ സ്റ്റാർ ആയി. ഏറ്റവും വേഗത്തിൽ 1 മില്യൺ സബ്സ്ക്രൈബർ ആകുന്ന യൂട്യൂബ് ചാനൽ. യൂട്യൂബിന്റെ ചരിത്രത്തിലെ എല്ലാ റെക്കോർഡും തകർത്തിരിക്കുകയാണ്.

വെറും 90 മിനിറ്റിനുള്ളിലാണ് റൊണാൾഡോ ഈ നേട്ടം കൈവരിച്ചത്. UR · Cristiano എന്ന യൂട്യൂബ് ചാനലിൽ ഇതുവരെ 19 വിഡിയോകൾ പോസ്റ്റ് ചെയ്തിട്ടുണ്ട്. ബുധനാഴ്ച വൈകിട്ട് ആദ്യ വീഡിയോ പോസ്റ്റ് ചെയ്ത് 40 മിനിറ്റ് ആകുമ്പോഴേക്കും 3 ലക്ഷം പേർ ചാനൽ സബ്സ്ക്രൈബ് ചെയ്തിരുന്നു. അനുനിമിഷം പതിനായിരക്കണക്കിന് പേരാണ് ക്രിസ്റ്റ്യാനോയുടെ ചാനൽ സബ്സ്ക്രൈബ് ചെയ്തുകൊണ്ടിരിക്കുന്നത്.

ഇപ്പോൾ മണിക്കൂറുകൾക്കുള്ളിൽ യൂട്യൂബ് ചാനലിന്റെ ഗോൾഡൺ പ്ലേബട്ടൺ സ്വന്തമാക്കിയിരിക്കുകായണ് താരം. ഈ സന്തോഷവും താരം തന്നെയാണ് തന്റെ സമൂഹമാധ്യമങ്ങളിലൂടെ പങ്കുവെച്ചത്.

A present for my family Thank you to all the SIUUUbscribers! https://t.co/d6RaDnAgEW pic.twitter.com/keWtHU64d7

— Cristiano Ronaldo (@Cristiano) August 21, 2024

ഗോൾഡൺ പ്ലേബട്ടൺ തുറക്കുന്നതിന്റെ വീഡിയോയും താരം ചാനലിലൂടെ പങ്കുവെച്ചു. തന്റെ കുടുംബത്തിനൊപ്പമാണ് ഗോൾഡൺ പ്ലേബട്ടൺ തുറന്നത്. റൊണാഡോയുടെ മക്കൾ സന്തോഷത്തോടെ തുള്ളിച്ചാടുന്നതും വീഡിയോയിൽ കാണാം.‘എന്റെ കുടുംബത്തിന് ഒരു സമ്മാനം. എല്ലാ സബ്സ്ക്രൈബേഴ്സിനും നന്ദി!’, താരം കുറിച്ചു.