കൊൽക്കത്ത ; വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ പ്രതിഷേധം അവസാനിക്കും മുൻപ് കൊൽക്കത്തയിൽ വീണ്ടും സ്ത്രീ പീഡനം. തൃണമൂൽ നേതാവ് ഫിറോസ് ഖാനാണ് യുവതിയെ തോക്ക് കാട്ടി ഭീഷണിപ്പെടുത്തി തട്ടിക്കൊണ്ടുപോയത്. ബിർഭും ജില്ലയിലെ ബോൽപൂർ ഘത്വയിലാണ് സംഭവം . വിവാഹിതയായ യുവതിയെയാണ് വഴിയിൽ തടഞ്ഞ് നിർത്തി തോക്കുചൂണ്ടി തട്ടിക്കൊണ്ടുപോയത് .തുടർന്ന് യുവതിയെ ക്രൂരപീഡനത്തിനിരയാക്കി.യുവതിയുടെ നാലു വയസുകാരൻ മകനെ ഫിറോസ് ഖാൻ മർദ്ദിക്കുകയും, കെട്ടിയിടുകയും ചെയ്തു.
പിന്നീട് യുവതിയെ മർദിക്കുകയും സ്വകാര്യഭാഗത്ത് തോക്ക് തിരുകി കയറ്റുകയും ചെയ്തു. മാരകമായി മുറിവേറ്റ യുവതി ഏറെ ബുദ്ധിമുട്ടിയാണ് തിരികെ വീട്ടിലെത്തിയത്. മനം നൊന്ത് ജീവനൊടുക്കാൻ ശ്രമിച്ച യുവതിയെ ഭർത്താവ് എത്തിയാണ് രക്ഷിച്ചത്.
തുടർന്ന് ദമ്പതികൾ പോലീസ് സ്റ്റേഷനിലെത്തി പരാതി നൽകുകയായിരുന്നു.ഒളിവിൽ പോയ പ്രതിക്കായി പോലീസ് തിരച്ചിൽ നടത്തുകയാണ്.
പ്രതികരിക്കാൻ ഇവിടെ എഴുതുക: