പത്തനംതിട്ട: ജസ്നയുടെ തിരോധാനവുമായി ബന്ധപ്പെട്ട പുതിയ വെളിപ്പെടുത്തലില് അന്വേഷണത്തിനായി സിബിഐ ഉദ്യോഗസ്ഥര് ചൊവ്വാഴ്ച മുണ്ടക്കയത്ത് എത്തും.ജസ്നയെ മുണ്ടക്കയത്തെ ലോഡ്ജില് കണ്ടെന്ന ലോഡ്ജ് മുന് ജീവനക്കാരിയുടെ വെളിപ്പെടുത്തലിനെ തുടര്ന്നാണ് സി ബി ഐ ഉദ്യോഗസ്ഥര് എത്തുന്നത്.
ലോഡ്ജില് കണ്ടത് ജെസ്ന തന്നെ ആണോ, കാണാതായതിന് ഇവിടവുമായി ബന്ധമുണ്ടോ തുടങ്ങിയ കാര്യങ്ങളാകും പരിശോധിക്കുക.
തിരുവല്ലയില് നിന്നും കാണാതായ ജസ്ന മുണ്ടക്കയത്തെ ലോഡ്ജില് എത്തിയിരുന്നുവെന്ന വെളിപ്പെടുത്തലോടെ ജസ്ന തിരോധാന കേസ് വീണ്ടും ശ്രദ്ധ നേടുകയാണ്. ജസ്നയുടെ അവസാന സിസിടിവി ദൃശ്യം ലഭിക്കുന്നത് ഈ ലോഡ്ജിന് സമീപമാണ്.
എന്നാല് ലോഡ്ജ് ജീവനക്കാരിയുടെ വെളിപ്പെടുത്തല് ശരിയല്ലെന്നാണ് ലോഡ്ജ് ഉടമ പറയുന്നത്.
