ഇടുക്കി: ഇടുക്കി ജില്ലയിലെ ഭൂമി വിഷയത്തില് സംസ്ഥാന സര്ക്കാരിനെ വിമര്ശിച്ച് മുതിര്ന്ന സിപിഎം നേതാവ് കൂടിയായ എംഎം മണി എംഎല്എ.ഇടുക്കിയില് നിന്നുള്ള ആളുകളെ ഇറക്കി വിടാന് ദൈവം തമ്പുരാന് മുഖ്യമന്ത്രിയായാലും കഴിയില്ലെന്ന് അദ്ദേഹം പറഞ്ഞു. വനം വകുപ്പ് ഇനിയും പ്രശ്നം ഉണ്ടാക്കിയാല്, പുറത്ത് ഇറങ്ങി നടക്കാന് വിഷമിക്കും. സംഘടിതമായി സമരം നടത്തേണ്ട ഘട്ടമാണിത്. സര്ക്കാര് നമ്മുടേതാണെന്ന് നോക്കേണ്ട കാര്യമില്ലെന്നും എം എം മണി.
മുഴുവന് ആളുകള്ക്കും പട്ടയം നല്കാതെ സൂത്രത്തില് കാര്യം നടത്താമെന്ന് ഒരു സര്ക്കാരും കരുതേണ്ടെന്ന് വൈദ്യുതി വകുപ്പ് മുന്മന്ത്രി കൂടിയായ എം എം മണി പറഞ്ഞു. വിവിധ ആവശ്യങ്ങള് ഉന്നയിച്ച് സിപിഎം നടത്തിയ ശാന്തന്പാറ ഫോറസ്റ്റ് ഓഫീസ് മാര്ച്ചിലാണ് മണിയുടെ വിമര്ശനം.
വനം ഉള്ളത് സംരക്ഷിച്ചു കൊള്ളൂവെന്നും പുതിയ വനം ഉണ്ടാക്കാന് നോക്കേണ്ടെന്നും എം എം മണി വനം വകുപ്പിനെ ഓര്മ്മിപ്പിച്ചു.വനം വകുപ്പിനെ മാത്രമല്ല റവന്യു വകുപ്പിനേയും നേരിടേണ്ട സ്ഥിതിയാണ് ഇടുക്കിയില് ഉള്ളതെന്നും ഇടുക്കിയില് ജീവിക്കുന്ന ആളുകള്ക്ക് സ്വസ്ഥമായി ജീവിക്കാനുള്ള അവസരം ഉണ്ടാക്കണമെന്നും അദ്ദേഹം പറഞ്ഞു.
