വലന്‍സിയ: സീസണിലെ ആദ്യ സ്പാനിഷ് ലാ ലിഗ പോരാട്ടത്തില്‍ മുന്‍ ജേതാക്കളായ എഫ്‌സി ബാഴ്‌സിലോണയ്‌ക്ക് വിജയത്തുടക്കം. ഇന്നലെ പുലര്‍ച്ചെ നടന്ന മത്സരത്തില്‍ വലന്‍സിയയെ ആണ് ബാഴ്‌സ തോല്‍പ്പിച്ചത്.
ഒന്നിനെതിരെ രണ്ട് ഗോളുകള്‍ക്കായിരുന്നു ബാഴ്‌സയുടെ വിജയം. വലന്‍സിയയുടെ തട്ടകത്തില്‍ നടന്ന മത്സരത്തില്‍ ആദ്യം സ്‌കോര്‍ ചെയ്തത് അവരാണ്. 44-ാം മിനിറ്റില്‍ ഹ്യൂഗോ ഡൂറോ ആണ് വലന്‍സിയയ്‌ക്കായി ഗോള്‍ നേടിയത്. ഇതിനെതിരെ ആദ്യ പകുതി ഇന്‍ജുറി ടൈമില്‍ റോബര്‍ട്ട് ലെവന്‍ഡോവ്‌സ്‌കി ബാഴ്‌സയ്‌ക്കായി ഒരു ഗോള്‍ മടക്കി. രണ്ടാം പകുതി തുടങ്ങിയത് ബാഴ്‌സയുടെ ലീഡോടുകൂടിയാണ്. 49-ാം മിനിറ്റിലാണ് ലെവന്‍ഡോവ്‌സ്‌കി വീണ്ടും ബാഴ്സയ്ക്ക് ഗോള്‍ സമ്മാനിച്ചത്. പിന്നീട് കളിയില്‍ മാറ്റമൊന്നുമുണ്ടായില്ല. ആദ്യ മത്സരത്തില്‍ സൂപ്പര്‍ താരം ലെവന്‍ഡോവ്‌സ്‌കി ഇരട്ടഗോള്‍ നേടിയെന്നതും പ്രത്യേകതയായി.
പ്രതികരിക്കാൻ ഇവിടെ എഴുതുക: