പാലക്കാട് : മുന് എം എല് എയും സി.പി.എം പാലക്കാട് ജില്ലാ കമ്മിറ്റി അംഗവുമായ പി.കെ. ശശിയെ തെരഞ്ഞെടുക്കപ്പെട്ട എല്ലാ പദവികളില് നിന്നും ഒഴിവാക്കാന് ജില്ലാ സെക്രട്ടേറിയറ്റ് യോഗത്തില് തീരുമാനം. സംസ്ഥാന സെക്രട്ടറി എം.വി.ഗോവിന്ദന്റെ സാന്നിധ്യത്തില് ചേര്ന്ന ജില്ലാ കമ്മിറ്റി യോഗത്തിലാണ് നടപടിക്ക് തീരുമാനമായത്.
ഔദ്യോഗിക പദവി ദുര്വിനിയോഗം ചെയ്ത് ലക്ഷങ്ങളുടെ സാമ്പത്തിക ക്രമക്കേട് നടത്തിയെന്ന് ശശിക്കെതിരെ പരാതിയുണ്ടായിരുന്നു. ഇതില് കഴമ്പുണ്ടെന്ന അന്വേഷണ കമ്മിഷന് റിപ്പോര്ട്ടിനെ തുടര്ന്നാണ് നടപടി.
വിഭാഗീയതയും ചേരിപ്പോരും രൂക്ഷമായതിനാല് മണ്ണാര്ക്കാട് ഏരിയ കമ്മിറ്റി പിരിച്ചുവിടുകയും ചെയ്തു. ജില്ലാ സെക്രട്ടേറിയറ്റ് അംഗം ടി.എം.ശശിക്കാണ് ഏരിയ സെക്രട്ടറിയുടെ താല്ക്കാലിക ചുമതല.
പികെ ശശിക്കെതിരെ നടപടി വേണമെന്ന് ഒരു വിഭാഗം നേരത്തെ ആവശ്യപ്പെട്ടിരുന്നു. എന്നാല് ഏറെക്കാലമായി ഈ ആവശ്യം നീണ്ടു പോവുകയായിരുന്നു.
